قازاقستان كومانداسى كوكپاردان الەم چەمپيوناتىنىڭ فينالىندا قىرعىزستان كومانداسىن 4:1 ەسەبىمەن ۇتىپ، جارىس جەڭىمپازى اتاندى. فينالدىق ويىن جەكسەنبى كۇنى استاناداعى "قازانات" يپپودرومىندا ءوتتى دەپ حابارلايدى Qamshy.kz اقپارات اگەنتتىگى سentralasian.org سايتىنا سىلتەمە جاساپ.
ءۇشىنشى ورىن ءۇشىن وتكەن سايىستا تاجىكستان كوكپارشىلارى جۇڭگو كومانداسىن جەڭدى.
كوكپاردان الەم چەمپيونى اتانعان قازاقستان كومانداسىنا 10 ميلليون تەڭگە، قىرعىزستان كوكپارشىلارىنا – 5 ميلليون تەڭگە، تاجىكستان ويىنشىلارىنا – 3 ميلليون تەڭگە اقشالاي جۇلدە بەرىلەدى.
كوشپەندى حالىقتار اراسىندا كەڭ تاراعان ۇلتتىق ويىن تۇرىنەن تامىزدىڭ 21ء-ى مەن 27ء-ى ارالىعىندا استانادا وتكەن العاشقى الەم چەمپيوناتىنا اۋعانستان، اقش، ۆەنگريا، موڭعوليا، قازاقستان، قىرعىزستان، جۇڭگو، وزبەكستان، رەسەي، تۇركيا مەن تاجىكستاننان بارلىعى 200-دەن استام سپورتشى قاتىستى. جارىسقا شاقىرىلعان ازەربايجان كومانداسى بەلگىسىز سەبەپتەرمەن كەلمەي قالدى.
