بۇگىندە ءبۇتىن يسلامعا بۇلدىرگى سالۋشىلار كوبەيدى. ءداستۇرلى ءدىنىمىزدىڭ اتىن جامىلعان لاڭكەستىك توپتار اپاتتار ۇيىمداستىرىپ، جارىلىستار جاساپ جازالانار تۇسى ءدىننىڭ تاساسىنا تىعىلۋى ۇيرەنشىكتى جايتقا اينالدى. الەم يسلام دىنىمەن تەرروريستىك ارەكەتتى سينونيم رەتىندە قاراستىرا باستادى.
نەشە ءتۇرلى اداسقان توپتار ۇستاعانى قۇران بولعانىمەن ۇستانعان ۇرانى باسقا بولىپ، بەيبىت ەلگە بەرەكەسىزدىك كىرگىزدى. وسىنداي سودىرلىق ارەكەتەردىڭ بارىسىندا حالىقتىڭ دىنگە دەگەن كوزقاراسى تۇبەگەيلى وزگەرمەسە دە «وزىندىك» بولجامدارى شىعا باستادى. دىندەگى جاڭالىقتار كوبەيدى. بۇلىكتىڭ باسى بىزگە دە جەتتى. ءقازىر قىزۋ تالقىنىڭ تورىندە تۇرعان سوڭعى جەتكەن سوراقى اقپارات سيرياداعى سودىرلاردىڭ بۇرىن «ءبىزدىڭ» ءبۇلدىرشىن بولعان بالعىندارعا بۇزاقىلىقتىڭ باسىن ۇيرەتىپ، بەيبىت كۇننىڭ شىرقىن بۇزۋعا ۇندەپ وتىر. بەس جاسار بالا «كاپىرلەر، ءبىز سەندەردى قىرامىز، مۋدجاحيت بولامىز!»- دەيدى. ولاردىڭ تۇسىنىگىندە نامازعا جىعىلماعان ادامنىڭ ءبارى كاپىر. ومىرگە دەگەن وزىندىك كوزقاراسى قالاپتاسپاي جاتىپ، ءولىم جايلى ورەكپىگەن ورتادا وسكەن بالانىڭ ەرتەڭى نە بولماق؟ قازاق ەدىك دەگەندى قويىپ، قازا بولعان نامازىمىزدى تۇگەندەپ، اتا-بابا ارتىنان اتقان وعىنىڭ ىزىمەن اتتتاندىرىپ وتىرسا وڭعان كۇي، بەرىك بوساعاڭنان نە قايىر؟!
ەل بولامىز دەپ بەسىك تۇزەگەندە، بەسىگىمىزدە جاتقان بۇلدىرشىندەرىمىز انا ءسۇتى اۋزىنان كەپپەي «اجال» جايلى اڭگىمەنى انىق ايتىپ وتىر. بۇل دىندەگى ەركىندىكتىڭ ەرتەڭىمىزگە جاساعان ۇلكەن قاتەرلى شابۋىلى بولماق. قازاقستاننىڭ نەگىزگى ءدىنى يسلام بولعانىمەن باسقا دا دىندەرگە كەڭشىلىك جاساعان. ءقازىر سەكتالاردىڭ كوبەيگەنى سونشالىق، ءتىپتى سانىنان جاڭىلۋعا باراسىڭ. ولاردىڭ داندايسىعانى سونشالىق پاتەرلەرىمىزدىڭ ەسىگىن قاعىپ: «ومىرلەرىڭىزدى وزگەرتكىلەرىڭىز كەلەدى مە؟ قيىندىقتان قالاي قۇتىلۋدىڭ جولىن ۇيرەتەمىز!» - دەپ تە ساەنتولوگياسىنىڭ ناسيحاتىن جۇرگىزدى. باسىندا ءمان بەرمەگەن حالىق كەيىننەن بارىپ كەسىرىن ءتۇسىنىپ سۋىق قاراي باستادى.
قازاقستانداعى تەرىس اعىمداردىڭ كەڭ ەتەك الۋىنىڭ نەگىزىگى سەبەپتەرىنىڭ اتالمىش سەكتالارعا ءبىزدىڭ سۇرانىستاردىڭ كوپشىلىگىندە . كەمىندە ءار اتالعان سەكتانىڭ 1 000 – داعان تۇراقتى تۇتىنۋشىلارى بار. رەسمي دەرەكتەرگە سۇيەنسەك ءقازىر قازاقستاندا 4500-نان استام سەكتالار جۇمىس ىستەيدى ەكەن. ءدىن ىستەرى جونىندەگى اگەنتتىكتىڭ مالىمدۋىنشە بۇل سەكتالار قازاقستان تاۋەلسىدىك الماي تۇرىپ كەلگەن كورىنەدى. 2012 جىلعى قايتا تىركەۋ ناۋقانىندا 4551 ۇيىمنان وزدەرىن زاڭنامالىق تۇرعىدان راسىمدەگەن 3088 قالعان. قازىرگى تاڭدا قازاقستاندا تيىم سالىنىپ يسلام اتىمەن شىعىپ جۇرگەن سەكتالار مىنالار ەكەن:
ال كايدا. نەگىزىن قالاۋشى ساۋديالىق يسلامشى ۋساما بەن لادەن. اللا ايات. نەگىزىن قالاۋشى ابدۋلللايەۆ فارحات مۋحاممەدوۆ. الماتى وبلىسى، شونجى اۋدانى. اسبات ءال-انسار. وزگە لاقابى: پارتيزاندار ليگاسى. نەگىزىن قالاۋشى شەيح حيسام شرەيدي اۋم سينريكە. نەگىزىن قالاۋشى جاپون سەكو اساحارا بوز گۋرد. نەگىزىن قالاۋشى ءازىربايجاندىق پالكوۆنيك الپارىسلان تۇركەش مۇسىلمان باۋىرلار. نەگىزىن قالاۋشى حاسان ءال-باننا ورتالىق ازياداعى مۋدجاحيد جاماعاتى. وزبەكستان ، قىرعىزستان، قازاقستان، رەسەيدە وكىلدەرى بار. ءال كايدانىڭ ورتا ازياداعى فيليالى شىعىس تۇركىستانداعى يسلام پارتياسى. نەگىزىن قالاۋشىلار ايسان ماحسۋم مەن ابدۋقادير ياپۋسيۋان وزبەكستانداعى يسلام قوزعالىسى. نەگىزىن قالاۋشى تاحير يۋلداشيەۆ كۇرد حالىق كونگرەسى. نەگىزىن قالاۋشىلار ابدۋللا ودجاۆين لاشكار ي تايبا. نەگىزىن قالاۋشىلار حافيز مۋحامماد سايد الەۋمەتتىك رەفورمالار ۇيىمى. قازاقستاندا 1998 جىلدارى بولعان. شىعىس تۇركىستاندى ازات ەتۋ ۇيىمى. نەگىزىن قالاۋشىلار مايماتين ايزلات تاليبان قوزعالىسى. نەگىزىن قالاعان مولدا مۋحاممەد ومار حيزبۋت تاحرير ءال- يسلام. نەگىزىن قالاۋشى تاقۋيددين ان-نابحاني فيلاسين. وسى اتى اتالعان لاڭكەستىك ۇيىمدار تالاي ەلدىڭ تىنىشتىعىن بۇزدى. بۇل تەك تەرىس اعىمداردىڭ ءبىر پاراسى. حالىقتىڭ ءدىني ساۋاتىنىڭ تومەندىگىن پايدالانعان ولار ءوز ماقساتتارىنا وڭاي جولمەن جەتىپ ءجۇر. بىزدە «يەگوۆو» ورتالىعى مەن «گرەيس» شىركەۋى دە قارقىندى جۇمىس ىستەپ جاتىر. ەلباسىنا اشىق حات جازاتىن دارەجەگە دە جەتكەن. حريستيان دىنىندەگىلەر وزدەرى اداسۋشى بولا تۇرا، ىشتەرىنەن وزدەرى اداسۋشى دەپ تاپقان سەكتالار شىققان. مىسالعا: «بلاگودات»، «مارموندار»، «ساتانيزم» تولىپ جاتىر. عالامتور بەتىندە كەي قازاقتاردىڭ دا ءناسراني ءدىنىن قابىلداپ جاتقاندىعى تۋرالى ۆيدەولار شىقتى. ءتىپتى قوس قازاق انا تىلىمىزدە يساعا ارناپ ءان دە ايتادى https://www.youtube.com/watch؟v=hfxHnH9p0_I. ءبىز اتا-بابا ءدىنىمىزدى تولىققاندى حالىق بولىپ قابىلداپ، ءىلىمىن تانىماساق مىنانداي اداسۋشى توپتاردىڭ قاقپانىنا وڭاي ءتۇسىپ قالامىز. سيرياعا كەتكەن جاستارىمىزدىڭ دا وسىنداي ماسەلەلەردى تەرىس تۇسىنگەنىنەن تۋىنداپ جاتىر ەمەس پە؟ ۇرپاعىمىز ۇنتالىپ كەتپەس ءۇشىن اتا ءدىنىمىز بەن ۇلتتىق تاربيەمىزدى قاتار دامىتۋىمىز كەرەك. ايتپەسە، «تەنتەگىمىز» تەرروريست، «سوقتارىمىز» سودىر بولىپ كەتپەۋىنە كىم كەپىل؟!
ورىنباسار باقىتبەك
