رەداكسيامىزعا جامبىل وبلىسى، قورداي اۋدانى، قاراسۋ اۋىلىنىڭ تۇرعىنى انيا سايپىشيەۆا  Qamshy.kz اقپارات اگەنتتىگى ارقىلى وبلىس باسشىلىعىنا دات ايتا كەلدى.

قاراسۋ اۋىلىنىڭ تۇرعىندارى اتىنان وبلىسى باسشىلىعىنا ءوتىنىشىن ارقالاي كەلگەن انيا سايپىشيەۆا  قورداي اۋدانىنا قاراستى «قاراسۋ» اۋىلىنىڭ اتىن» مومبەك اۋىلى» دەپ وزگەرتىلگەنىن تالاپ ەتەدى.

سەبەبى اۋىل تۇرعىندارىنىڭ پايىمىنشا «قاراسۋ» اۋىلىندا اۋىل اتىنا بايلانىستى كوپتەگەن قايعىلى وقيعا بولىپ تۇرادى.

«قاراسۋ» دەگەن اتاۋ اۋىلعا قايعى-قاسىرەت الىپ كەلەدى»،- دەيدى ەكەن اۋىل تۇرعىندارى. انيا سايپىشيەۆانىڭ ايتۋىنشا، ءولىم سانىن ازايتۋ ءۇشىن قاراسۋ اۋىلىنىڭ اتىن وزگەرتۋ قاجەت.  وسى جىلدىڭ شىلدە ايىنىڭ وزىندە قاراسۋ اۋىلىندا جەتى ادام قازا تاپقان. بۇدان باسقا اۋىلدا كولىك اپاتى وقيعاسى دا كوبەيگەن.  

«بۇرىندا قورداي اۋدانىنا قاراستى  كەڭەس  دەگەن اۋىل بولاتىن. سول اۋىلدا ءولىم مەن كولىك اپاتى  كوپ بولعاننان كەيىن اۋىلدىڭ اتىن وتەگەن دەپ اۋىستىردى. قازىرگى تاڭدا اۋىلدا كولىك اپاتى مەن ادامداردىڭ قايتىس بولۋى ازايدى. قورداي اۋدانىنا تاعى ءبىر اۋىلى قاسىق اۋىلىنىڭ اتىن ءالجان انا دەپ وزگەرتپەكشى. وسى ىسپەن قاتار جامبىل وبلىسى اكىمدىگى  قاراسۋ اۋىلىنىڭ دا اتىن مومبەك اۋىلى دەپ وزگەرتسە دەگەن تىلەگىمىز بار. سەبەبى،  ءبىزدىڭ  اۋىلدا مومبەك ءبيدىڭ مازارى بار.  تۇركىستانعا بارا جاتقان  ادامدار مومبەك بي مازارىنا ات باسىن بۇرىپ، دۇعالارىن وقىپ كەتەدى. اۋىلدى مومبەك اۋىلى  دەپ اتاۋدى  اۋىل اقساقالدارى دا قولداپ وتىر. قاراسۋ اۋىلىندا قازىرگى تاڭدا 4724 ادام ءومىر ءسۇرىپ جاتىر»،-  دەيدى انيا سايپىشيەۆا.