قازاقستان رەسپۋبليكاسى پرەمەر-مينيسترىنىڭ ورىنباسارى ەربولات دوسايەۆتىڭ توراعالىعىمەن، سونداي-اق، ق ر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتورايىمى داريعا نازاربايەۆانىڭ، ق ر «اتامەكەن» ۇلتتىق كاسىپكەرلەر پالاتاسىنىڭ باسقارما ءتوراعاسى ابىلاي مىرزاحمەتوۆتىڭ، «قازاقستان» رترك» اق باسقارماسىنىڭ ءتوراعاسى ەرلان ءقاريننىڭ، ق ر ءبىلىم جانە عىلىم ۆيسە-مينيسترى اسحات ايماعامبەتوۆتىڭ، قازاقستاننىڭ جوعارى وقۋ ورىندارى قاۋىمداستىعىنىڭ پرەزيدەنتى راحمان الشانوۆتىڭ جانە باسقا دا كوميسسيا مۇشەلەرىنىڭ قاتىسۋىمەن وتكەن وتىرىستا ۆاكانتتى رەكتورلىق لاۋازىمدارعا ۇمىتكەرلەرمەن سۇحباتتار وتكىزىلدى.

15 ۇمىتكەر جوو دامىتۋ باعدارلامالارىن ۇسىندى. ولار جوو باقىلاۋ كەڭەستەرىنىڭ ۇسىنىمدارى بويىنشا، 38 ۇمىتكەردىڭ اراسىنان ىرىكتەلىنىپ الىندى. 

سۇحباتتاسۋلار قورىتىندىلارى مەن جوو دامىتۋ باعدارلامالارىن تالقىلاۋ ناتيجەسىندە كونكۋرستىق كوميسسيا تومەندەگى ۇمىتكەرلەردى رەكتورلىق لاۋازىمعا ۇسىندى: اتىراۋ مۇناي جانە گاز  ۋنيۆەرسيتەتىنە - ابىشيەۆ ءالي ءاجىم ۇلى، قازاق مەملەكەتتىك قىزدار پەداگوگيكالىق ۋنيۆەرسيتەتىنە - الدامبەرگەنوۆا گاۋحار تورەمۇرات قىزى، ش. ەسەنوۆ اتىنداعى كاسپيي مەملەكەتتىك تەحنولوگيالار جانە ينجينيرينگ ۋنيۆەرسيتەتىنە - احمەتوۆ بەرىك باقىتجان ۇلى، م.ح. دۋلاتي اتىنداعى تاراز مەملەكەتتىك ۋنيۆەرسيتەتىنە - سارىبەكوۆ ماحمەتعالي نۇرعالي ۇلى، س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنە  - احمەتوۆا گاۋحار عالىم قىزى.

رەكتورلاردى سايلاۋدى ەنگىزۋ ەلباسى ن.ءا. نازاربايەۆ بەلگىلەگەن بەس ينستيتۋسيونالدىق رەفورمالاردى ىسكە اسىرۋ جونىندەگى 100 ناقتى قادام - ۇلت جوسپارىنىڭ 78 قادامىنا سايكەس، جوو-دارىنىڭ اكادەميالىق جانە باسقارۋ دەربەستىكتەرىن كەزەڭ-كەزەڭىمەن كەڭەيتۋگە باعىتتالىپ وتىر.