ءبىلىم جانە عىلىم ءمينيسترىنىڭ بۇيرىعىمەن بيۋدجەت ەسەبىنەن قارجىلاندىرىلاتىن مەملەكەتتىك ءبىلىم مەكەمەلەرى قىزمەتكەرلەرىنىڭ جالاقى الۋ تارتىبىنە وزگەرىستەر ەنگىزىلدى.
بۇل تۋرالى Qamshy.kz اقپارات اگەنتتىگى Sputnik قازاقستان مالىمەتىنە سۇيەنىپ حابارلايدى.
وعان سايكەس ساباقتى اعىلشىن تىلىندە تۇسىندىرە الۋعا قابىلەتتى مۇعالىمدەردىڭ بازالىق مىندەتتى جالاقىسىنا ۇستەمە اقشا تولەنەدى.
“APTIS، IELTS، TOEFL، ۆ1-Intermediate، B2-Upper-Intermediate نەمەسە C1-C2-Advanced دەڭگەيلەرىنىڭ ءبىرى بويىنشا سەرتيفيكاتقا يە، فيزيكا، حيميا، بيولوگيا، ينفورماتيكا پاندەرىن اعىلشىن تىلىندە تۇسىندىرە، وقىتا الۋعا قابىلەتتى مۇعالىمدەرگە مىندەتتى جالاقىسىنان بولەك 200 پايىز مولشەردە قوسىمشا اقى تولەنەدى”، – دەلىنگەن بۇيرىقتا.
بۇل بۇيرىق 2017 جىلدىڭ 1 قىركۇيەگىنەن باستاپ كۇشىنە ەنگەن. سەبەبى بيىلعى وقۋ ماۋسىمىنان باستاپ ءبىرقاتار پاندەردى اعىلشىن تىلىندە وقىتۋ بويىنشا سىناقتىق جۇيە باستالىپ كەتتى. سىناق ناتيجەسى بويىنشا پاندەردى اعىلشىن تىلىندە وقىتۋدىڭ ناقتى كەستەسى بەكىتىلەدى.
ايتا كەتسەك، ەلىمىزدەگى وقۋ وردالارىنىڭ 2019 جىلى اعىلشىن تىلىندە ساباق جۇرگىزۋگە دايىندىعى جايىندا حابارلانعان بولاتىن.
