ەكسپو كورمەسى كەزىندەگى قاۋىپسىزدىك شارالارىنا ەلدىڭ تۇكپىر-تۇكپىرىنەن 9 مىڭعا جۋىق ساقشى تارتىلدى. الايدا ولاردىڭ بارلىعى بىردەي جۇمىس ىستەپ كەتە المادى. سوزگە كەلىپ قالعان ەكى ساقشى جۇمىستان قۋىلدى، دەپ xابارلايدى Qamshy.kz اقپارات اگەنتىگى قازاقپاراتقا سىلتەمە جاساي وتىرىپ.

«ەرەگەسىپ قالعان ەكەۋدىڭ وقيعاسى بىلاي وربىگەن. ماسەلەن، مەن جول-پاترۋلدىك پوليسيانىڭ سەرجانتى بولسام، سەن قورعانىس مينيسترلىگىنىڭ سەرجانتى رەتىندە كورمەگە كەلەسىڭ. ەكەۋىمىز ءبىر ناريادتا ءجۇرمىز. بىرەۋى ەكىنشىسىنە بۇيرىق بەرىپ، اندا بار دەيدى. مىناۋ سەن ماعان باستىق ەمەسسىڭ دەپ كەلىسپەيدى. سودان ەكەۋى ءبىر-بىرىن يتەرگەن... اقىرى ەكەۋى دە جۇمىستان قۋىلدى. نەگىزى، ونداي جاعدايلار ۆولونتەرلەر اراسىندا دا، جەكە كۇزەت قىزمەكتەرلەرى اراسىندا دا بولعان»، - دەدى ق ر ءىىم اكىمشىلىك پوليسيا كوميتەتى ءتوراعاسىنىڭ ورىنباسارى تالعات مۇساقانوۆ.

ونىڭ ايتۋىنشا، كورمە قاۋىپسىزدىگىنە تارتىلعان 9 مىڭ ساقشىنىڭ ىشىندە ىشكى ىستەر ورگاندارى، قورعانىس مينيسترلىگى مەن اسكەري وقۋ ورىندارىنىڭ كۋرسانتتارى بار.  «نەگىزى، اسكەري ءتارتىپتى ورەسكەل بۇزۋ فاكتىلەرى بولماعان. پسيxولوگتار دا ءوز جۇمىسىن اتقاردى، ءالى دە اتقارىپ جاتىر. ولار سان الۋان اۋتوترەنينگتەر مەن ساۋالناملاردى جۇرگىزەدى. بارلىق ساقشىلار ءتيىستى ۋاقىتتا دەمالىسقا شىقتى. مادەني باعدارلامالارعا دا قاتىستى"، - دەپ اتاپ كورسەتتى ءتوراعانىڭ ورىنباسارى.