الماتى وبلىسىنداعى ۇيعىر اۋدانىنىڭ اكىمى اليمجان توحتاسۋنوۆ جۇمىستان كەتتى. بۇگىن ونىڭ ورنىنا جاڭا اكىم بولىپ شۋحرات نۋراحۋنوۆ تاعايىندالدى. ول بۇعان دەيىن ۇيعىر اۋدانى اكىمىنىڭ ورىنباسارى قىزمەتىن اتقارعان، دەپ حابارلايدى Qamshy.kz اقپارات اگەنتتىگى  قازاقپارات مالىمەتىنە سۇيەنىپ. 

اۋدان اكتيۆىنىڭ كەزدەسۋىندە الماتى وبلىسى اكىمى مىندەتىن اتقارۋشى لاززات تۇرلاشوۆ اۋدانعا جاڭا اكىم شۋحرات نۋراحۋنوۆتى تانىستىردى. جيىن بارىسىندا اتالعانداي، ونىڭ كانديداتۋراسى جاقىندا وتكەن اۋداندىق ءماسليحاتتىڭ كەزەكتەن تىس سەسسياسىندا كوپشىلىك دەپۋتاتتىڭ قولداۋىنا يە بولعان. وبلىس اكىمى مىندەتىن اتقارۋشى لاززات تۇرلاشوۆ اۋدان اكتيۆىنە جاڭا اكىمدى تانىستىرا كەلە، بۇعان دەيىن اۋدان اكىمى قىزمەتىن اتقارعان اليمجان توحتاسۋنوۆقا اتقارعان جۇمىسى ءۇشىن العىسىن ءبىلدىردى.

ءوز كەزەگىندە شۋحرات نۋرحانوۆ كانديداتۋراسىن قولداپ، سەنىم بىلدىرگەندەرگە العىسىن جەتكىزىپ، الداعى ۋاقىتتا وزىنە ارتىلعان بارلىق مىندەتتەردى ابىرويمەن اتقاراتىندىعىن اتاپ ءوتتى.

ال الماتى وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ باسپا ءسوز حاتشىسى سىمبات يسراپۋلوۆانىڭ ايتۋىنشا، توحتاسۋنوۆتىڭ ادەبى جونىندەگى ماسەلە ادەپ كەڭەسىنىڭ قاراۋىنا جەتپەي، ونىڭ ءوز ەركىمەن جۇمىستان كەتۋ تۋرالى ارىزى قاناعاتتاندىرىلعان. 

ايتا كەتسەك، اليمجان توحتاسۋنوۆ  بىرنەشە مارتە قولاستىنداعى قىزمەتكەرلەردى «جۇمىستان قۋامىن» دەپ، اۋزىنا كەلگەنىن ايتقانى جايىندا جازىلعان بولاتىن.