8 قىركۇيەك كۇنى استاناداعى «بارىس ارەنا» سپورت كەشەنىندە قازاق كۇرەسىنەن «الەم بارىسى» تۇيە بالۋاندار اراسىنداعى الەم چەمپيوناتى وتەدى. ەكسپو حالىقارالىق مامانداندىرىلعان كورمەسى اياسىندا ۇيىمداستىرىلىپ وتىرعان بەدەلدى باسەكەگە 40 ەلدىڭ بالۋانى قاتىسادى. شەتەلدىك سپورتشىلارعا قازاقستاننىڭ ءتورت بالۋانى توتەپ بەرەدى. بۇل تۋرالى Qamshy.kz اقپارات اگەنتتىگى استانا قالاسى اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.
22 تامىزدان باستاپ قازاق كۇرەسىنەن قازاقستان ۇلتتىق قۇراماسى استانادا وقۋ-جاتتىعۋ جيىنىن وتكىزۋدە. جيىن ناتيجەسى بويىنشا باس جاتتىقتىرۋشى ەرلان ەستەك باستاعان باسپكەرلىك كەڭەس «الەم بارىسىندا» ەل نامىسىن قورعايتىن بالۋانداردى ىرىكتەدى. ولار: ءتورت دۇركىن الەم چەمپيونى جانە قازاقستان بارىسى جەڭىمپازى ايبەك نۇعىماروۆ، الەم چەمپيونى جانە قازاقستان بارىسى ءتۋرنيرىنىڭ جەڭىمپازى مۇحيت تۇرسىنوۆ، جاس تا بولسا، بولاشاعىنان زور ءۇمىت كۇتتىرەتىن ايبات سەيتەن جانە داۋرەن نۇرالينوۆ.
سونىمەن قاتار، بيىلعى قازاقستان بارىسى جەڭىمپازى ەلامان ەرعالييەۆ، تانىمال تۇيە بالۋان ەرجان شىنكەيەۆتىڭ قاتىسۋى دا مۇمكىن.
الەمنىڭ تۇكپىر-تۇكپىرىنەن قاتىسۋشىلار استاناعا كەلە باستادى. بۇگىندە اۆستراليا، جاڭا زەلانديا، جۇڭگو جانە گانا بالۋاندارى ەلورداعا جەتتى. جارىس شارتى بويىنشا، بارلىق قاتىسۋشىلارعا قازاق كۇرەسىنەن ارنالعان سپورتتىق كۇرتەشە مەن اياق كيىم بەرىلۋدە. بۇگىن شەتەلدىك تورەشىلەرگە قازاق كۇرەسىنىڭ ەرەجەلەرى بويىنشا سەمينار وتكىزىلەدى.
بىرىنشىلىكتىڭ جالپى جۇلدە قورى 30 ميلليون تەڭگە. ونىڭ ىشىندە 15 ميلليونى جەڭىمپازعا تيەسىلى. ءداستۇر بويىنشا، التىن، كۇمىس جانە قولا بەلبەۋلەر دە قاراستىرىلعان. جانكۇيەرلەر دە جۇلدەسىز قالمايدى. كورەرمەندەر اراسىندا Renault Logan اۆتوكولىگى ويناتىلادى.
ايتا كەتۋ كەرەك، ءابسوليۋتتى الەم چەمپيوناتىن تىكەلەي ەفيردە «Qazaqstan»، «Qazsport»، تۇرىكتىڭ «TRT Avaz»، رەسەيدىڭ «ماچ! پلانەتا» جانە «بوكس تۆ» تەلەارنالارى كورسەتەدى.
ەستەرىڭىزگە سالامىز، Alem Barysy 2014 جىلى پاۆلودار قالاسىندا ءوتتى. تارتىستى باسەكە ناتيجەسىندە التىن بەلبەۋ مەن ءجۇز مىڭ اقش دوللاردى كۋبالىق برايسون يەلەندى. ەكىنشى ورىندا ايبەك نۇعىماروۆ، ءۇشىنشى ساتىدا رەسەيلىك ماكسيم شيريايەۆ.
