ق ر تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ ديرەكتورى ەرجان سالتىبايەۆ «Albright Stonebridge Group» كونسالتينگتىك فيرمانىڭ قىزمەتكەرى، اقش مەملەكەتتىك حاتشىسىنىڭ وڭتۇستىك جانە ورتالىق ازيا بويىنشا ەكس-كومەكشىسى نيشا بيسۆالمەن كەزدەستى، دەپ حابارلايدى Qamshy.kz اقپاراتا اگەنتتىگى اەسي باسپا ءسوز قىزمەتىنە سىلتەمە جاساپ.
تاراپتار قازاقستان مەن اقش-تىڭ ەكى الدىڭعى قاتارلى زەرتتەۋ ۇيىمدارى اراسىنداعى سەرىكتەستىك باعىتتارىنىڭ پەرسپەكتيۆالارىن تالقىلادى. پىكىرتالاس بارىسىندا قازاقستان ەكونوميكاسىنىڭ شيكىزاتتىق ەمەس سەكتورىنىڭ الەۋەتىن ارتتىرۋ، «بەلدەۋ مەن جول» باستاماسىن جۇزەگە اسىرۋ اياسىنداعى «نۇرلى جول» ينفراقۇرىلىمدىق باعدارلاماسىنىڭ ماڭىزدىلىعى، سونىمەن قاتار، اقش پەن ق ر اراسىندا ينۆەستيسيالىق سەرىكتەستىك ورناتۋ مۇمكىندىكتەرى قاراستىرىلدى.
- ءبىز بيسلاۆ حانىمدى «نازاربايەۆ ورتالىعى» عيماراتىندا قابىلداعانىمىزعا قۋانىشتىمىز جانە ساراپشىلىق پەن اناليتيكالىق سالادا سەرىكتەستىكتى نىعايتۋعا قىزىعۋشىلىق تانىتقانىنا ريزامىز، - دەدى ەاسي ديرەكتورى ەرجان سالتىبايەۆ.
ن.بيسۆال استاناعا ەكسپو-2014 حالىقارالىق كورمەسىنىڭ جابىلۋ سالتاناتى مەن امەريكالىق پاۆيلوننىڭ قۇرمەتتى قوناعى رەتىندە كەلىپ وتىر.
ق ر تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتى (اەسي) 2003 جىلى قۇرىلعان. اەسي قىزمەتى الەمدىك ەكونوميكا، حالىقارالىق قاتىناستار، گەوساياسات، قاۋىپسىزدىك، سونىمەن قاتار، ق ر تۇڭعىش پرەزيدەنتىنىڭ جۇمىسى مەن ونىڭ قازاقستاندى تاۋەلسىز مەملەكەت رەتىندە قۇرۋ مەن نىعايتۋعا جانە جاھاندىق بەيبىتشىلىك كەلىسسوزدەرىن جۇرگىزۋگە قوسقان سۇبەلى ۇلەستەرىن زەرتتەۋگە نەگىزدەلگەن.
Albright Stonebridge Group – جاھاندىق بيزنەس-ستراتەگيالاردى جۇزەگە اسىراتىن امەريكالىق كونسالتينگتىك كومپانيا. ونىڭ تۇتىنۋشىلارى قاتارىندا ترانسۇلتتىق كورپوراسيالار، قارجى ينستيتۋتتارى، سالالىق بىرلەستىكتەر مەن حالىقارالىق قاتىناس، جاڭا نارىققا شىعۋ جانە قاۋىپتەردى باعالاۋ سالاسىنداعى بەيكوممەرسيالىق ۇيىمدار بولىپ تابىلادى.
