دجەننيفەر لوپەس وتباسىنىڭ تۋعان مەكەنى پۋەرتو-ريكو قالاسىندا داۋىلدان زارداپ شەككەندەرگە $1 ملن. قارجى ءبولدى. بۇل تۋرالى لوپەس نيۋ-يوركتەگى ەندريۋ كۋومومەن بولعان باسپا ءسوز ءماسليحاتىندا مالىمدەدى دەپ حابارلايدى Qamshy.kz اقپارات اگەنتتىگى.
ول لاس-ۆەگاستاعى تۇراعىنان ماريا داۋىلى سالدارىنان ءتۇرلى قايىرىمدىلىقتارعا اقشا بەرەتىنىن ايتتى. لوپەس ءوزىنىڭ بۇرىنعى جىگىتى نيۋ-يورك يانكيس جۇلدىزى الەكس رودريگەس پەن بۇرىنعى كۇيەۋى مارك ەنتونيدىڭ كومەگىنە جۇگىنگەنىن ايتادى.
48 جاستاعى لوپەس نيۋ-يوركتە تۋىلسا دا ونىڭ اتا-انالارى پۋەرتو-ريكادا دۇنيەگە كەلگەن. ونىڭ ايتۋىنشا، وندا ءالى دە تۇرىپ جاتقان تۋىستارى بار.
ال بەلگىلى ءانشى ريككي مارتين بولسا بۇل شاراعا $100 000 سىيعا تارتتى جانە ينتەرنەتتەگى قايىرىمدىلىق قورىن ىسكە قوستى. وعان قوسا، پۋەرتو-ريكو رەپپەرى دەددي يانكي ءوزىنىڭ جانكۇيەرلەرى سىيعا تارتقان ءتورت جۇك كولىگىن قيىرىمدىلىق ءۇشىن بەردى.
