شىمكەنت حالقىنىڭ سانى جىل باسىنان بەرى 33 مىڭ ادامعا ارتتى. وڭتۇستىك قازاقستان وبلىسىنىڭ ورتالىعى بۇگىندە مەگاپوليس بولۋعا دايىندالۋدا. ءقازىر مۇنداعى تۇرعىنداردىڭ سانى 950 مىڭعا جەتكەن. بۇل تۋرالى Qamshy.kz اقپارات اگەنتتىگى وبلىستىق ستاتيستيكا باسقارماسى ماماندارىنىڭ مالىمەتىنە سۇيەنىپ حابارلايدى.
وڭتۇستىك قازاقستان وبلىسىناعى پەرزەنتحانالاردا جىل باسىنان بەرى 50 مىڭنان استام ءسابي جارىق دۇنيە ەسىگىن اشىپتى. دارىگەرلەردىڭ ايتۋىنشا، بۇل رەسپۋبليكا بويىنشا ەڭ جوعارى كورسەتكىش ەكەن. ءاربىر بەسىنشى قازاقستاندىقتىڭ وقو-دا دۇنيەگە كەلۋى ءبىز ءۇشىن ۇلكەن مارتەبە دەيدى ولار.
«ءبىر جىلدىڭ ىشىندە وڭتۇستىك قازاقستان وبلىسىندا 80-80،5 مىڭ ءسابي دۇنيەگە كەلەدى. بۇگىنگى كۇنگە دەيىن تۋىلعان بالالار سانى 50،5 مىڭنان استى. حالىقتىڭ الەۋمەتتىك جاعدايى تۇزەلە باستادى، ولار بالا سۇيگىسى كەلەدى، ۇرپاق كوبەيتكىسى كەلەدى. بۇل وتە جاعىمدى پروسەسس»، - دەيدى شىمكەنت قالالىق №2 پەرزەنتحانانڭ باس دارىگەرى ەلميرا قوجاحمەتوۆا.
