30 قىركۇيەك پەن 1 قازاندا "الماتى تۋرى-2017" ۆەلودوداسىن وتكىزۋگە بايلانىستى مەگاپوليستىڭ بىرنەشە كوشەسى جابىلادى، - دەپ حابارلايدى Qamshy.kz اقپارات اگەنتتىگى الماتى قالاسى اكىمدىگىنىڭ باسپا ءسوز قىزمەتىنە سىلتەمە جاساپ.

الماتىدا ورتالىق ازياداعى ەڭ ءىرى كاسىپقوي ۆەلوجارىستاردىڭ ءبىرى وتەدى، وعان قازاقستاننان، فرانسيادان، ءازىربايجاننان، يراننان، مالايزيادان، وزبەكستاننان، قىتايدان، لاتۆيادان، ۋكراينادان، جاپونيادان، يتاليادان، اقش-تان، شۆەيساريادان، گەرمانيادان جانە ۇلىبريتانيادان سپورتشىلار قاتىسادى. بارلىعى 20-دان اسا كوماندا. 

"الماتى تۋرى" تۇڭعىش رەت كوپكۇندىك جارىس فورماتىندا ەكى كەزەڭ بويىنشا 30 قىركۇيەكتە جانە 1 قازاندا وتەدى. 

30 قىركۇيەكتە جابىلاتىن جولدار: 

• 9.00-10.40 - قالالىق اينالىم (تولە بي كوشەسىنەن فۋرمانوۆ كوشەسىنە دەيىن، فۋرمانوۆپەن ساتبايەۆ كوشەسىنە دەيىن، ساتبايەۆ كوشەسىنەن بايزاقوۆ كوشەسىنە دەيىن، سوسىن بايزاقوۆتان اباي داڭعىلىنا دەيىن، اباي داڭعىلىنان جەلتوقسان كوشەسىنە دەيىن، جەلتوقسان كوشەسىنەن تولە بي كوشەسىنە دەيىن)؛

• 10.40-11.00 - شىعىس اينالما اۆتوموبيل جولى - يندۋستريالدىق ايماق (تولە بي كوشەسىمەن شىعىس اينالما اۆتوموبيل جولىنا دەيىن، شىعىس اينالما اۆتوموبيل جولىنان ءال-فارابي داڭعىلى ارقىلى يندۋستريالدىق ايماققا دەيىن)؛ 

• 11.00-14.30 - يندۋستريالدىق ايماق؛

• 13.30-14.30 - "الماتى ارەناعا" مومىش ۇلى كوشەسىمەن جانە مارەگە "الماتى ارەنا" ىشكى تەرريتورياسى ارقىلى.

1 قازاندا جابىلاتىن جولدار:  

• 09.45-10.05 - تالعار تاسجولى "حالىق ارەنادان جارىس باستالعانعا دەيىن؛

• 10.00-14.00 - شىعىس اينالما اۆتوموبيل جولىمەن اينالىپ، تۇڭعىش پرەزيدەنت ساياباعىنا دەيىن؛

• 12.40-14.40 - دوستىق داڭعىلىمەن جوعارى قاراي "مەدەۋ" مۇز ايدىنىنا دەيىن.

"قالانى، مارشرۋتتى، لوگيستيكانى جانە قاتىسۋشىلاردىڭ قوزعالىس سىزباسىن زەرتتەگەننەن كەيىن، سونداي-اق، شاراعا دايىندىقتى كورگەننەن كەيىن مۇنداي سپورت جوباسىنىڭ ورتالىق ازيادا تەڭدەسى جوق ەكەنىن سەنىممەن ايتا الامىن"، - دەپ اتاپ ءوتتى "الماتى تۋرى" تەحنيكالىق دەلەگاتى پەر حاتسەباۋت.

28 قىركۇيەكتە پانفيلوۆ كوشەسىنىڭ بويىنداعى "الماتى" ءقوناقۇيىنىڭ ماڭىندا اۋەسقوي جارىستار وتەدى، وندا كەز كەلگەن ادام قاتىسا الادى. باعىت پەن شابىت بەرۋ ءۇشىن اۋەسقويلارمەن Astana Pro Team جۇلدىزدارى قاتارلاسىپ جارىسادى. سونىمەن قاتار، ولارمەن اڭگىمەلەسىپ، قولتاڭبا الۋعا بولادى. ال 29 قىركۇيەكتە قاتىسۋشى كوماندالاردىڭ رەسمي تانىستىرىلىمى جانە ۆەلوجارىس قاتىسۋشىلارىنىڭ جاتتىعۋى وتەدى. 

"ءدال وسى بەسىنشى، مەرەيتويلىق جارىستىڭ ستاتۋسى وسكەنى سيمۆولدىق مانگە يە دەپ ەسەپتەيمىن. ۆەلوسيپەد مادەنيەتى قارقىندى دامىعان الماتى سياقتى قالاعا ايرىقشا ءماندى"، - دەپ اتاپ ءوتتى قازاقستان ۆەلوسپورت فەدەراسياسىنىڭ ۆيسە-پرەزيدەنتى امانبەك قۇلشىقوۆ.

ايتا كەتەيىك، جارىس ترانسلياسياسى Eurosport تەلەارناسىندا تىكەلەي ەفيردە كورسەتىلەدى.