زاڭدى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسىندا اتىراۋ وبلىسىنىڭ پروكۋرورى ەرنات سىبانقۇلوۆ جولاۋشى قۇقىقتارىنىڭ ءجيى بۇزىلاتىندىعى تۋرالى ءسوز قوزعادى دەپ حابارلايدى Qamshy.kz اقپارات اگەنتتىگى. ونىڭ ىشىندە جەڭىلدىك بەرىلگەن تۇلعالاردان جول اقىسىن تالاپ ەتىپ، ءتىپتى مەكتەپ وقۋشىسىن اۆتوبۋستان شىعارىپ جىبەرگەن جاعدايلار بولعانى ايتىلدى.  

جيلگورودوك مولتەك اۋدانىندا №6 اۆتوبۋس قىزمەتكەرى مەكتەپ وقۋشىسىنان (ونىڭ تەگىن جۇرۋگە جەڭىلدىگى بولعانىنا قاراماستان) جول اقىسىن تالاپ ەتكەن. وسى جاعدايدان كەيىن №6 اۆتوبۋس قىزمەتكەرىمەن كومپانيا اراسىنداعى كەلىسىم شارتتى بۇزۋ تۋرالى شەشىم قابىلداندى.   

ۇيلەستىرۋ كەڭەسىنىڭ ناتيجەسىندە، ۋاكىلەتتى ورگاندارعا زاڭنىڭ بۇزىلۋىنا جول بەرگەن جولاۋشىلار تاسىمالىن جۇزەگە اسىرۋشى مەكەمەلەرگە قاتاڭ جازا قولدانۋ ۇسىنىلدى.

بارلىق جولاۋشى تاسىمالىن جۇزەگە اسىرۋشى مەكەمەلەرگە كورسەتىلگەن زاڭ بۇزۋشىلىقتارعا جول بەرمەۋ كەرەك ەكەنى جانە ونىڭ سالدارى ايتىلدى.