وتكەن جىلى ەلىمىزگە 2016 جىلى 16 مىڭ 417 وتباسى نەمەسە 33 مىڭ 754 ەتنيكالىق قازاق تاريحي وتانىنا قايتا ورالىپ، ورالمان مارتەبەسىن الدى دەپ حابارلايدى Qamshy.kz اقپارات اگەنتتىگى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ. ۆەدومستۆو مالىمەتىنشە، بۇل 2015 جىلمەن سالىستىرعاندا 8 ەسەگە كوپ.
بۇل تۋرالى ۇكىمەت وتىرىسىندا ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا كوشى-قون ساياساتىنىڭ جاڭا تۇجىرىمداما جوباسىن تانىستىرۋ بارىسىندا باياندادى.
جوبادا مەملەكەت باسشىسىنىڭ دۇنيەجۇزى قازاقتارىنىڭ بەسىنشى قۇرىلتايىندا مينيسترلىككە بەرگەن تاپسىرمالارى قاراستىرىلعان. وعان سايكەس، ەتنيكالىق قازاقتاردى تەك كوشىرىپ الۋ ماسەلەسىن عانا ەمەس، سونىمەن بىرگە ولاردىڭ الەۋەتىن تۇرعىلىقتى جەرىندە قالدىرا وتىرىپ پايدالانۋ مۇمكىندىگى ۇسىنىلادى.
ايتا كەتسەك، قازاقستانعا كەلگەن ورالمانداردىڭ كوپشىلىگى، ياعني، 65،5% - وزبەكستاننان كەلگەن. سونداي-اق، 24،9% - قىتايدان، 3،2% - تۇرىكمەنستاننان، 2،7% - موڭعوليادان، 3،7% - وزگە ەلدەردەن ورالعان قانداستارىمىز.
ولاردىڭ باسىم بولىگى، ياعني 33،9% - وڭتۇستىك قازاقستان وبلىسىنا، 25،4% - الماتى وبلىسىنا، 10،6% - ماڭعىستاۋ وبلىسىنا، 5،8% - جامبىل وبلىسىنا، 24،3% - ەلىمىزدىڭ وزگە وڭىرلەرىنە قونىستاندى.
ەلگە ورالعان قانداستارىمىزدىڭ 65،4% - ەڭبەككە قابىلەتتى جاستا بولسا، 16 جاسقا دەيىنگىلەرى – 28،6%، زەينەتكەرلەر - 6% قۇرايدى.
ەڭبەككە جارامدى ەتنيكالىق قازاقتاردىڭ 10،8%-نىڭ جوعارعى ءبىلىمى بار بولسا، 20،3%-ىندا ورتا ارناۋلى ءبىلىم بار، 65% - جالپى ورتا ءبىلىمى بار ازاماتتار، ال 3،9%-نىڭ ءبىلىمى جوق.
"بۇگىندە ەلگە ورالعان قانداستاردى اتاجۇرتقا ۇتىمدى قونىستاندىرۋ ماقساتىندا ولاردى قوسىمشا ەڭبەك رەسۋرستارىن قاجەت ەتەتىن ايماقتارعا جولداۋ شارالارى قابىلدانۋدا. ياعني، شەت ەلدە تۇرىپ جاتقان ەتنيكالىق قازاقتاردى، ونىڭ ىشىندە بىلىكتى ماماندار مەن جەتىستىككە جەتكەن ادامداردى تارتۋ ءۇشىن جەكە ەلەكتروندىق دەرەكقور جاساۋ قاراستىرىلىپ وتىر. سونداي-اق ەتنيكالىق قازاقتارعا ۋاقىتشا ەڭبەكپەن قامتۋ ءۇشىن، جۇمىس بەرۋشىلەرگە رۇقساتتى جەڭىلدەتىلگەن تارتىپپەن تەگىن بەرىلۋدە. وسىعان وراي جۇمىسپەن قامتۋ ورتالىقتارىنىڭ فۋنكسيونالىن كەڭەيتۋ ۇسىنىلىپ وتىر. اتالعان ورتالىقتار ورالماندارمەن دە، ىشكى قونىس اۋدارۋشىلارمەن دە "ءبىر تەرەزە" قاعيداتىمەن جۇمىس ىستەيتىن بولادى"، - دەدى مينيسترلىكتەگىلەر.
ەسكە سالا كەتەيىك، وتكەن جىلى ەتنيكالىق قازاقتاردىڭ قايتا ورالۋىنا كەدەرگى كەلتىرەتىن بىرنەشە پروبلەمالار وتكەن جىلى قابىلدانعان زاڭ اياسىندا ءوز شەشىمىن تاپقان بولاتىن. دالىرەك ايتساق، بۇگىندە ەتنيكالىق قازاقتارعا ورالمان مارتەبەسى، قونىستانۋ ايماعىنا قاراماستان، 1 جىل مەرزىمگە بەرىلۋدە. سونىمەن قاتار، ولاردىڭ ق ر ازاماتتىعىن الۋ مەرزىمى ءتورت جىلدان ءبىر جىلعا دەيىن قىسقارتىلىپ، تۇراقتى تۇرۋعا رۇقسات العاننان كەيىن بىردەن ازاماتتىققا قۇجاتتارىن تاپسىرۋ مۇمكىندىگى قاراستىرىلادى.
