پاكىستاننىڭ بۇرىنعى پرەمەر-مينيسترى، جەمقورلىق بويىنشا ايىپتالعان ناۆاز شاريف 26 قىركۇيەكتە سوتقا تارتىلدى. 28 شىلدەدە قارجىلىق اكتيۆتەرىن تەرگەۋ بارىسىندا جوعارعى سوتتىڭ شەشىمىمەن شاريف پرەمەر لاۋازىمىنان بوساتىلعان. سودان بەرى بۇگىن ءبىرىنشى رەت سوت الدىنا كەدى، دەپ جازادى Qamshy.kz اقپارات اگەنتتىگى.
سوتقا ءبىر كۇن قالعاندا شاريف لوندوننان كەلگەن. ول جەردە ايەلىن ەمدەتكەنى انىقتالدى. سوت زالىنا كىرگەن بويدا ەكس-پرەمەردىڭ جاقتاۋشىلارى قوشەمەت كورەتىپ، ۇرانداتا جونەلدى.
سوت ءشاريفتىڭ ۇلدارى جانە قىزى مەن كۇيەۋ بالاسىن اپتانىڭ اياعىنا دەيىن سوت الدىنا كەلۋگە بۇيىردى.
پاكىستان انتيكوررۋپسيالىق اكىمشىلىگىنىڭ ارىزى بويىنشا 2 قازاندا شاريفكە ءۇش جەمقورلىق ءىس بويىنشا ايىپ تاعىلادى دەپ كۇتىلۋدە.
ءۇش رەت پرەمەر-مينيستر بولعان شاريفكە، سونداي-اق ونىڭ ءۇش بالاسىنا قاتىستى ايىپتاۋلار ەكس-پرەمەردىڭ 1990 جىلدارى بيلىكتە بولعان كەزىمەن بايلانىستى.
