اقتاۋ قالاسىندا مەكتەپتەردىڭ بىرىندە داپتەرلەردىڭ قىمبات بولۋى اتا-انالاردىڭ قازاق ءتىلى ساباعىنان باس تارتۋعا سەبەپ بولا جازدادى، دەپ حابارلايدى Qamshy.kz اقپارات اگەنتتىگى لادا باسىلىمىنا سىلتەمە جاساي وتىرىپ.
ەكىنشى سىنىپ وقۋشىلارىنىڭ اتا-انالارىنا قازاق ءتىلى پانىنەن ءتورت داپتەر مەن سوزدىك ساتىپ الۋ كەرەكتىگى ايتىلادى. بۇل جيىنتىقتىڭ قۇنى 10 مىڭ تەڭگەگە جۋىق، ال سىنىپقا قاجەتتى جيناقتىڭ قۇنى – 300 مىڭ تەڭگە بولادى. ءبىرقاتار وتباسىلار بۇل جيىنتىقتى الۋعا مۇمكىندىكتەرى جوق بولعاندىقتان، اتا-انالار قازاق ءتىلى پانىنەن باس تارتۋدى ۇيعارادى.
سونىمەن قاتار، اتا-انالار قازاق ءتىلى ءپانىنىڭ وقۋلىعىن دا سىناعان.
"قازىرگى ۋاقىتتاعى قازاق ءتىلى وقۋلىعى — ەشقانداي اۋدارماسى جوق تەكستتەردىڭ جيناعى. ەشقانداي ەرەجە جازىلماعان. مۇعالىمدەر اۋدارماسىن بەرمەيدى، ونى تۇسىندىرمەيدى. ناتيجەسىندە بالالار كىتاپقا قاراپ ەشتەڭە تۇسىنبەي وتىرادى. مەكتەپتەردە قولدانىپ جاتقان وقۋلىقتاردى قوسىمشا ادەبيەت پەن سوزدىكتىڭ كومەگىنسىز وقۋ مۇمكىن ەمەس"، —دەيدى اتا-انالار.
ءوز كەزەگىندە، مەكتەپ ديرەكتورى بەكەس ىسپەكەيەۆ بۇل داپتەرلەردى مىندەتتى تۇردە ساتىپ الۋعا ەشكىم قينامايدى، وقۋ قۇرالىن ساتىپ الۋ تەك "ۇسىنىس" رەتىندە ايتىلعان. مۇعالىمدەر مەن اتا-انالار اراسىندا تۇسىنبەۋشىلىك ورىن العان دەپ ەسەپتەيدى.
