1. جار قىلىپ الار قىزىڭنىڭ شەشەسىنە قارارسىڭ. شەشە كورگەندى ال. الما اعاشىنان الىسقا تۇسپەيدى. 
2. سونان سوڭ اكەسىنە قارا. اكە قاتال، ءارى مەيىرىمدى بولۋى كەرەك. بيلىگى ەركەكتە بولعان ءۇي بەرەكە. وسىنى ۇمىتپا. 
3. ەركەك بالالارى مەن قوسا ايەلىن دە تاربيەلەيدى. ولاردىڭ ساناسىنا يسلامدى قۇي. ءدىن جولىن ۇيرەت، وقىت. اللاعا جاقىننىڭ اداسقانىن كورگەنىم جوق. سوندىقتان وسى ىسكە جاقسى كوڭىل ءبول. 
4. العانىڭ باسقانى ەمەس، اۋەلى سەنى سىيلاسىن. كۇيەۋىن ەرىم،بالالارىمنىڭ اكەسى، بولاشاعىم دەپ سىيلاعان ايەل سەنىمەن قوسا بۇكىل اۋلەتىڭدى قۇرمەتتەيدى. ونىڭ قۇرمەتى ساعان اۋلەتىڭنىڭ الدىندا ابىروي سىيلايدى. 
5. ونى ءقادىر تۇت. بار جاقسى ءسوزىڭدى ارنا. جۇرتتىڭ، بالالارىڭنىڭ كوزىنشە قۇشاقتاپ، سۇيمە. ءوزىڭنىڭ دە، ونىڭ دا ءقادىرىن قاشىراسىڭ. ونىڭ بارلىعى وڭاشادا قىلار ءىس. ال باسقا ۋاقىتتا كوز قاراسىڭ مەن وعان جاسار جاقسى ءىسىڭ دە جەتىپ جاتىر. 
6. ونىڭ جاسار ىسىنە ارالاسپا. اقىلدى ايەل سەن ارالاسپاي-اق قاجەت اقىلىن ءوزى كەلىپ سۇراپ الادى. 
7. ونى قىزعان. تەك جونىمەن بولعانى دۇرىس. ال شامادان ارتىق قىزعانۋ ۇرىس-كەرىسكە سەبەپشى. 
8. قانشا ۇرىس-كەرىس بولسا دا ءوز ارالارىڭدا بولسىن. سىرتقا شىعارۋشى بولما. ۇرىس-كەرىستە يا سەن جەڭىل، يا ول جەڭىلسىن. ال قاتەلىك پەن دۇرىس-بۇرىسىن اشۋلارىڭ باسىلعان سوڭ تالقىلاعان ءجون. 
9. ونى ەشقاشان الداما. كەز-كەلگەن جاعدايدا تەك شىندىقتى ايت. ونىڭ وزىڭە دەگەن سەنىمىن جوعالتىپ الما. سەزىمنىڭ ىرگەتاسى سەنىمنەن قالاناتىنىن ۇمىتپا. 
10. نە نارسەگە دە سابىر قىل. باردى قاناعات تۇت. ايەلىڭنەن دە وسىنى تالاپ ەت. سول كەزدە عانا ءومىردىڭ بارلىق توسىن جايلارىنا قارسى تۇرا الاسىڭدار....