23 قىركۇيەكتە تنت ارناسىندا «كورىپكەلدەر سايىسىنىڭ» 18ء-شى شىعارىلىمى كورەرمەنگە جول تارتتى. ول باعدارلاماعا قاتىسۋشىلاردىڭ اراسىندا الماتىلىق جان جانە دانا ەسىمدى اعا مەن قارىنداس باۋىرلار بار، دەپ حابارلايدى Qamshy.kz اقپارات اگەنتتىگى. «ستارحيت» سايتى قاتىسۋشىلاردىڭ اۆتوبيوگرافياسىنا توقتالا كەتىپ، قىسقاشا مالىمەت بەرەدى.

مالىمەتتەرگە سايكەس، جان كوز جۇمعان ادامداردىڭ ارۋاقتارىمەن بايلانىسقا تۇسە السا، دانا ءالى دۇنيە ەسىگىن اشپاعان سابيلەرمەن ءوزارا ءتۇسىنىسىپ، سويلەسە الادى ەكەن.

«مەن التى جاسىمدا ۇنەمى كورشىمنىڭ ءۇيىنىڭ ماڭىنان ءوتىپ بارا جاتىپ، وعان ەسكەرتەتىنمىن: «ساشا اعا، ءسىز جاقىندا قايتىس بولاسىز»، - دەپ. ال ول ماعان: «ءبارىمىز دە ءبىر كۇنى كوز جۇمامىز عوي» - دەپ جاۋاپ بەرەتىن. الايدا مەن قويماي، ۇنەمى قولىمدى ونىڭ جۇرەگىنىڭ تۇسىنا سىلتەيتىنمىن. شامامەن، ەكى اي وتكەننەن سوڭ ساشا اعا جۇرەك تالماسىنان كوز جۇمدى»، - دەيدى 35 جاستاعى كورىپكەل.

جان ون جاسقا كەلگەندە ونىڭ اعاسى قايتىس بولعان. جەرلەۋ ءراسىمى كەزىندە ول بەيىت باسىن ارالاپ ءجۇرىپ ءبىر ادامنىڭ بەيىتىنە قۇلاپ تۇسكەن. «سەلدىڭ سالدارىنان ءقابىر بۇزىلىپ قالعان ەكەن. قانشا ۋاقىت ەسىمدى جيماي جاتىپ قالعانىمدى بىلمەيمىن، ءبىراق ول جەردەن تۇرۋىما ماعان ەكى ادام كومەكتەستى. كەيىننەن ول ەكى ادام ءارۋاقتار ەكەنىن ءتۇسىندىم»، - دەپ ەسكە الادى جان الىبەكوۆ.

ال ونىڭ قارىنداسى دانا الىبەكوۆا ءوزىنىڭ قابىلەتتەرىن ەسەيە كەلە بىلگەن.

«مەن گينەكولوگ بولىپ ىستەيمىن. بۇل ماماندىقتى انامنىڭ قۇربىسىنا قىزىعىپ تاڭدادىم، ول كىسى دە ايەلدەردى ەمدەيتىن دارىگەر. ءدال سول تاتيانا مەنىڭ انام ماعان اياعى اۋىر كەزىندە بالانى الدىرىپ تاستاماي، بوسانۋعا كوندىرگەن. ماعان ەمدەلۋگە كەلگەن ايەلدەردى تەكسەرۋ كەزىندە ءبىرتۇرلى جايدى سەزىندىم: كەنەتتەن، كىشكەنتاي بالانىڭ داۋىسىن ەستىپ، ولاردىڭ بولاشاعىن كورە باستادىم»، - دەيدى كورىپكەل.

ايتا كەتەر بولساق، «كورىپكەلدەر سايىسىنىڭ» جاڭا كەزەڭى باستالماس بۇرىن جەلىدە بۇل باعدارلامادا شىن مانىندە قانداي جاعدايلار بولىپ جاتقاندىعى جايلى ماقالا شىققان بولاتىن.

باعدارلامادا جەڭىسكە جەتكەن قاتىسۋشىعا ميلليون رۋبل تابىستالادى.