عىلىمدا بەلگىسىز تىرشىلىك يەسى فيليپپين ارالىنا جاقىن ماڭدا ورنالاسقان مااسين قالاسىنىڭ ءبىر اۋدانىنا تۇرعىندار تاۋىپ الدى، دەپ حابارلايدى Qamshy.kz اقپارات اگەنتتىگى Metro سايتىنا سىلتەمە جاساي وتىرىپ.
بەلگىسىز تىرشىلىك يەسىنىڭ ۇزىندىعى 10 مەتردى قۇرايدى. جەرگىلىكتى ماماندار بۇل جانۋاردىڭ قاي تۇرىنە جاتاتىندىعىن جانە قانداي تىرشىلىك يەسى ەكەندىگىن انىقتاي الماعان. سۋ رەسۋرستارى مەن بالىق اۋلاۋ بيۋروسىنىڭ قكىلى دجۋليۋسا الپينونىڭ ايتۋىنشا، بۇل تىرشىلىك يەسىن كيتتىڭ ءبىر تۇرىنە جاتقىزۋعا بولادى، الايدا ەشقانداي دالەلدەر جوق.
بەلگىسىز تىرشىلىك يەسىن فوتو مەن ۆيدەوعا ءتۇسىرىپ العان كۋاگەر مۇنداي جانۋاردى ومىرىندە العاش رەت كورگەندىگىن ايتتى. «ول وتە ۇلكەن بولدى، ال يىسىنە شىداۋ مۇمكىن ەمەس. مۇندايدى تىرشىلىك يەسىن العاش رەت كورۋىم»، - دەيدى 42 جاستاعى ەر ادام.
جەرگىلىكتى شەنەۋنىكتەردىڭ ايتۋىنشا، بۇل جانۋاردىڭ ءيىسى تۇرعىندار ءۇشىن ءقاۋىپتى بولۋى مۇمكىن. سوندىقتان دا قۇبىجىقتىڭ دەنەسىن كولگە جەرلەۋگە شەشىم شىعاردى.
