سۋرگۋتتاعى تەرگەۋشىلەر كىشكەنتاي بالانىڭ ولىمىنە قاتىستى ءىستىڭ انىق-قانىعىن تەكسەرۋدە. بەلگىلى بولعانداي، بالانىڭ ۇستىنە تەلەديدار قۇلاپ كەتكەن، دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.
وقيعا سەيسەنبى كۇنى كەشكى ۋاقىتتا ورىن العان. مالىمەتتەرگە سايكەس، 2013 جىلعى قىزدىڭ ۇستىنە ەسكى مودەلدى تەلەديدار قۇلاپ كەتكەن. تەلەديداردىڭ سالماعى بىرنەشە ونداعان كەلىگە دەيىن جەتەدى ەكەن. العان جاراقاتتارىنىڭ سالدارىنان كىشكەنتاي ءبۇلدىرشىن كوز جۇمدى.
«اتالمىش ىسكە قاتىستى تەرگەۋ جۇمىستارى جۇرگىزىلۋدە. وقيعانىڭ ءمان-جايى تەرگەۋ اياقتالعاننان سوڭ بەلگىلى بولادى. ىزدەي جۇمىستارىنىڭ ناتيجەلەرىنە سايكەس الداعى ۋاقىتتا شەشىم شىعارىلاتىن بولادى»، - دەيدى جاۋاپتى تۇلعالار.
قۇقىق قورعاۋ قىزمەتكەرلەرىنىڭ ايتۋىنشا، كىشكەنتاي قىز ءوزىنىڭ اجەسىمەن بىرگە تۇرعان ەكەن. ال اجەسى وزگە ەلدىڭ ازاماتشاسى ەكەندىگى بەلگىلى بولدى.
