ماسكەۋدە جول اپاتىنا تۇسكەندەرگە كومەك كورسەتپەكشى بولعان «فيزرۋك» ءفيلمىنىڭ اكتەرى ەگور كلينايەۆتى كولىك قاعىپ كەتتى دەپ حابارلايدى Qamshy.kz اقپارات اگەنتتىگى.  جاپپاي جول اپاتى بولعان وقيعادا 18 جاسار اكتەر ماسكەۋدەگى اينالما جولعا كەلگەندە، اپاتقا ۇشىراعان كولىكتەردى كورىپ كومەككە كەلە جاتقان ساتىندە كولىك قاعىپ كەتتى.

پوليسيا قىزمەتى مالىمەتىنشە، ماسكەۋ ۋاقىتىمەن، تاڭعى ساعات ۇشتە «تويوتا مارك-2» بەلگىسى بار اۆتوكولىك مىنگەن جاس اكتەر كوشەدەگى قاقتىعىستى كورىپ، كومەك كەرەك بولىپ قالار دەگەن نيەتپەن كولىگىنەن تۇسكەن. 24ء-شى ايماقتاعى كولىك اينالىمىندا بولعان وقىس وقيعادا كلينايەۆ تا كولىگىن قاقتىعىس بولعان سىزىقتا قويعان. ال «حوندا اككورد» كولىگىنىڭ جۇرگىزۋشىسى بولسا اپاتقا ۇشىراعان كولىكتەردى بايقاماي قالىپ، جولدا تۇرعان ءۇش ادامدى قاعىپ كەتكەن. ولار جول اپاتىن تالقىلاپ، پوليسيا قىزمەتىن كۇتىپ تۇرعان. ناتيجەسىندە كلينايەۆ وقيعا ورنىندا قازا بولىپ، قالعان ەكەۋى اۋىر حالدە اۋرۋحاناعا جەتكىزىلگەن.