80 جىلدان استام تاريحى بار ونەردىڭ قارا شاڭىراعى الماتى  مەملەكەتتىك قۋىرشاق تەاترى 2017 جىلدىڭ 5 قازان كۇنى ساعات 16.30-دا سالتاناتتى تۇردە كەزەكتى 83ء-شى ماۋسىمىن اشادى دەپ حابارلايدى Qamshy.kz اقپارات اگەنتتىگى. اتالمىش مەرەكە تەاتر ارتيستەرىنىڭ قاتىسۋىمەن تەاتر فاسادىنداعى اقىن، دراماتۋرگ يران-عايىپتىڭ «بوشكە» دراماسىنىڭ نەگىزىندە رەجيسسەر ر.جانىامانوۆ ساحنالاعان كورىنىسپەن باستاۋ  الادى.  

سونداي-اق، ساعات 17.00-دە ەۆگەنيي يونوۆتىڭ «انا جۇرەگى» سپەكتاكلىنىڭ  پرەمەراسى كورەرمەن نازارىنا ۇسىنىلادى. قويۋشى رەجيسسەرى – انتون زايسيەۆ. قويۋشى سۋرەتشىسى – سەرگەي مەلسيەۆ. ساحنالىق ءبيىن قويعان – گۇلجان داۋلەتقۇلوۆا. اتالمىش قويىلىم ارقىلى رەجيسسەر ا.زايسيەۆ قۋىرشاق تەاترى ساحناسىنا جاڭا لەپ اكەلدى. پەسانىڭ مازمۇنى اۋىر بولعانىمەن، بەرەتىن تاربيەسى مول. كەز كەلگەن جاستاعى كورەرمەننىڭ كوڭىلىن وياتىپ، جۇرەگىنە يمان ۇيالاتپاق. انادان تۋعان جالعىز ۇل جوقشىلىقتى مىسە تۇتپاي، ار كورىپ، اناسىنا قارسى شىعادى. تاس قالانىڭ تاس جۇرەك جاستارىنا قوسىلعان جەتەسىز ۇل، ۇلىم دەپ ەڭىرەگەن انانىڭ كوزجاسى قويىلىمنىڭ باستى يدەياسىن اشىپ كورسەتپەك. بالاسىنىڭ تۋعان كۇنىنە قولىندا قالعان جالعىز جانىپ تۇرعان بالاۋىز شىراقتى سىيعا تارتپاق بولعان انا جۇرەگى سول شىراقپەن بىرگە سونەدى. رەجيسسەر انتون زايسيەۆ وسى ءبىر شىنايى ءومىردى قۋىرشاق ساحناسىندا قۋىرشاق تىلىندە سويلەتپەك.

انا بەينەسىندە – اكتريسا تولقىن تلەۋلييەۆا، قۋىرشاق بالا – اكتەر ءرۇسلان ابۋ جانە كوپشىلىك ساحنادا تەاتر ارتيستەرى ونەر كورسەتەدى.