«نۇرسۇلتان نازاربايەۆ» حالىقارالىق اۋەجايىنان العاشقى ءۇش شاقىرىم 1000 تەڭگەنى قۇرايتىن بولادى دەپ حابارلايدى Qamshy.kz اقپارات اگەنتتىگى استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

اۋەجايدان قالاعا دەيىنگى ءۇش شاقىرىم قاشىقتىقتان اساتىن تاسىمال قىمبات بولادى. ءارى قاراي ءار شاقىرىم ءۇشىن 100 تەڭگە قوسىلىپ وتىرادى. قالا بويىنشا ەڭ تومەنگى تاريف – 500 تەڭگە. «نۇرلى جول» تەمىر جول ۆوكزالىنداعى باعا 700 تەڭگەنى قۇرايدى.

«جولاۋشىلارعا كورسەتەتىن قىزمەتتىڭ ساپاسىن جاقسارتۋ ماقساتىندا ءبىرىڭعاي ءنومىرى بار چات-توبى ىسكە قوسىلدى. «Astana Taxi» ءبىرىڭعاي تاكسي قىزمەتىنىڭ جۇمىسىنا قاتىستى ءوتىنىش پەن شاعىم بىلدىرگىسى كەلگەن جولاۋشىلار 8-700-555-76-07 نومىرىنە جازا الادى»، - دەدى ەلوردالىق جولاۋشىلار قاۋىمداستىعىنىڭ اتارۋشى ديرەكتورى ساكەن حانحوجين.