اقش سيريا ارقىلى يراك شەكاراسىن باقىلاۋدا ۇستاپ، ونى توقتاتۋعا جول بەرمەۋگە تىرىسۋدا، دەپ حابارلايدى Qamshy.kz اقپارات اگەنتتىگى. بۇل جايىندا يراننىڭ ءسىم باسشىسى موحامماد دجاۆاد زاريف مالىمدەدى.

«مەنىڭ ويىمشا، بۇگىنگى تاڭدا باسىمدىلىقتار وزگەرگەن. ءقازىر اقش ءۇشىن دايش تەرروريستەرىن جەڭۋگە قاراعاندا سيريا ۇكىمەتىنە يراك شەكاراسىن باقىلاۋدا ۇستاۋدى قالپىنا كەلتىرۋگە رۇقسات بەرمەۋى ماڭىزدىراق بولىپ وتىر»، - دەيدى ول.

ءمينيستردىڭ ايتۋىنشا، يران سيرياداعى داعدارىس جاعدايىنىڭ بەيبىت تۇردە شەشىلۋىن قالايدى جانە دە اقش-تىڭ ءار ءتۇرلى ماقساتتارى بار.

«ءبىز سيرياعا بىرەۋدى قولداۋ ءۇشىن كەلگەن جوقپىز، ءبىز مۇندا لاڭكەستەرمەن كۇرەسۋ ءۇشىن كەلدىك»، - دەيدى زاريف.

ايتا كەتەر بولساق، سيرياداعى قارۋلى قاقتىعىستار 2011 جىلدىڭ ناۋرىز ايىنان باستاپ جالعاسىپ كەلە جاتىر. اقش باستاعان كواليسيا يراك پەن سيريادا دايش تەرروريستەرىنە قارسى ءىس-قيمىلدار جۇرگىزۋدە. سونىمەن قاتار، كواليسيا سيريادا بيلىكتىڭ رۇقساتىنسىز جۇمىس ىستەۋدە.