قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىحالىقوۆا «تۋعان جەر» رەسپۋبليكالىق فورۋمىنىڭ قۇرمەتتى قوناعى رەتىندە اقتوبە وبلىسىنا كەلدى دەپ حابارلايدى Qamshy.kz اقپارات اگەنتتىگى.

ساپار بارىسىندا گۇلشارا ءابدىحالىقوۆا «تۋعان جەر» رەسپۋبليكالىق فورۋمىنىڭ رەسمي اشىلۋىنا قاتىستى.

مەملەكەتتىك حاتشى «جۇبانوۆتار اۋەنى» مۋزەي-ۇيىن ارالادى. جوبا «تۋعان جەرگە تاعزىم» جوباسى اياسىندا جۇزەگە اسىرىلۋدا. 

سونداي-اق گۇلشارا ءابدىحالىقوۆا «باتىس-2» شاعىن اۋدانىنداعى «جەكپە-جەك» سارايىنىڭ اشىلۋىنا قاتىستى. نىسان مەملەكەتتىك-جەكەمەنشىك سەرىكتەستىك اياسىندا جۇزەگە اسىرىلدى. 

جاڭا نىساننىڭ سالتاناتتى اشىلۋىنان كەيىن جەكپە-جەك سارايىندا دزيۋدودان قازاقستان رەسپۋبليكاسىنىڭ پرەزيدەنتى ن.نازاربايەۆتىڭ كۋبوگىنا ارنالعان حالىقارالىق تۋرنير باستالدى.

مەملەكەتتىك حاتشى وبلىسقا ساپارى بارىسىندا مەملەكەتتىك-جەكەمەنشىك سەرىكتەستىك اياسىندا سالىنعان الەۋمەتتىك نىسانداردى ارالادى.

سونىمەن قاتار گۇلشارا ءابدىحالىقوۆا «نۇرلى جەر» باعدارلاماسى اياسىندا سالىنىپ جاتقان تۇرعىن ءۇي قۇرىلىسىنىڭ جۇمىستارىمەن تانىستى.

ودان كەيىن مەملەكەتتىك حاتشى «رۋحاني جاڭعىرۋ» باعدارلاماسىنىڭ نەگىزىندە ۇيىمداستىرىلعان «تۋعان جەر» رەسپۋبليكالىق جەرلەستەر فورۋمىنا قاتىسىپ، قۇتتىقتاۋ ءسوز سويلەدى.