اتوم ەنەرگياسى بويىنشا حالىقارالىق اگەنتتىك كحدر سىناعان بومبانىڭ سۋتەكتى بولعانىن انىقتاي الماي وتىر دەپ حابارلايدى Qamshy.kz اقپارات اگەنتتىگى. بۇل تۋرالى اگەنتتىك باسشىسى يۋكيا امانو جۋرناليستەرگە بەرگەن سۇحباتىندا ايتتى.
«بىزدە بومبانىڭ سۋتەكتى بولعانىن انىقتاۋعا مۇمكىندىك جوق. دەسەك تە ونىڭ الدىنداعىلارمەن سالىستىرعاندا اۋقىمدىراق بولعانى انىق. بۇل سولتۇستىك كورەيانىڭ ىلگەرلەۋىن بىلدىرەدى. باسقالارىمەن سالىستىرعاندا بۇل الەمگە تونگەن ءقاۋىپ» دەدى يۋكيا امانو.
وسىعان بايلانىستى بۇۇ قاۋىپسىزدىك كەڭەسى ءبىراۋىزدان كحدر-گە جاڭا سانكسيا سالۋ تۋرالى شەشىم قابىلدادى. بۇل بۇۇ قاۋىپسىزدىك كەڭەسى تاريحىنداعى ەڭ قاتال سانكسيا بولدى.
