اتىراۋ وبلىسىنىڭ پروكۋرورى ەرنات سىبانقۇلوۆتىڭ حابارلاۋىنشا، شامامەن ساعات 20.30-دا ماقاتاي اۋدانى ءىىب ماقات اۋىلىنان 5 جاستاعى ۇل مەن 4 جاسار قىز (ولاردىڭ انالارى اپكەلى-سىڭلىلى) جوعالعانى تۋرالى حابارلاما تۇسكەن دەپ جازادى Qamshy.kz اقپارات اگەنتتىگى.

جەرگىلىكتى پوليسيا ىزدەستىرۋ جۇمىسىن باستادى. كەيىنىرەك جاقىن ماڭداعى اۋدان پوليسيالارى، اكىمشىلىك قىزمەتكەرلەرى جانە ەرىكتىلەر ىزدەستىرۋ جۇمىستارىنا قوسىلدى.

كەشكى ساعات 10.00-دە ك. ەسىمدى كامەلەتكە تولماعان بالا 5 جاسار ۇل مەن 4 جاسار قىزدى وسى اۋىلدىڭ «تەلەمۇنارا» ايماعىندا كورگەنى تۋرالى حابار ءتۇستى.

شامامەن 22.00-دە بالالار بەيتانىس ايەلمەن تاكسيگە وتىرعانىن كورگەن كۋاگەرلەر تابىلدى. 

«بالالار تاڭعى 4-تە تۇرعىلىقتى جەرىنەن 150 شارشى شاقىرىم قاشىقتىقتا ورنالاسقان جىلىوي اۋدانىنىڭ قۇلسارى قالاسىندا تابىلدى» دەدى وبلىس پروكۋرورى.

ولاردى بەيتانىس ايەل الىپ كەتكەن. بالالاردىڭ دەنساۋلىعىنا زيان كەلمەگەن. قىلمىستىق كودەكستىڭ 125 بابى (ادام ۇرلاۋ) بويىنشا سوتقا دەيىنگى تەكسەرۋ جۇمىستارى جۇرگىزىلىپ جاتىر.