تانىمال رەسەيلىك كاسىپكەر جانە «Telegram» مەسسەندجەرىنىڭ نەگىزىن قالاۋشى پاۆەل دۋروۆ ءوز كاسىبىنە كەدەرگى كەلتىرەتىن ەلدەردە: يران مەن رەسەيدە جۇمىسىن توقتاتا الاتىندىعىن ايتتى،-دەپ حابارلايدى Qamshy.kz اقپارات اگەنتتىگى.

«بىزدەن قولدانۋشىلاردىڭ جەكە مالىمەتتەرىن سۇراپ، كاسىپكە دە قىسىم كورسەتكەن ەلدەردە «Telegram» –دى جاۋىپ،  ولاردىڭ بۇدان بىلايعى قارسىلىعىن توقتاتا الامىز»،- دەپ جازدى ول ءوزىنىڭ تەلەگرام جەلىسىندە.

وسى مالىمدەمەنىڭ الدىندا عانا، رەسەيدىڭ كوممۋنيكاسيالىق تەكسەرىس مەكەمەسىنىڭ قىزمەتكەرلەرى «Telegram» قولدانۋشىلارىنىڭ جەكە مالىمەتتەرىن بەرمەسە جەلىنى بۇعاتتاپ تاستايتىندىعىن ايتقان. ال يران مەملەكەتىنىڭ پروكۋراتۋراسى دۋروۆقا قارسى سوت ءىسىن قوزعاعان بولاتىن. ولاردىڭ سەنۋىنشە، «Telegram» جەلىسى بالالار پورنوگرافياسى مەن ەكسترەميستىك اقپاراتتار تاراتقان.

پاۆەل دۋروۆتىڭ ايتۋىنشا، رەسەي مەن يراننىڭ تەلەگرامعا جاساعان قىسىمى، كاسىپ ءۇشىن اسا ماڭىزدى ەمەس، ويتكەنى بۇل ەلدەردە جەلى زاڭدى تۇلعا بولىپ ەسەپتەلمەيدى. يران مەملەكەتى قويعان شەكتەۋلەر وعان تۇك ەمەس، ال رەسەي قويعان تالاپتار وندا  تۇراتىن اتا-اناسىن كورىپ تۇرۋعا كەدەرگى كەلتىرەدى.

دەگەنمەن، بۇل باعا ەكى مەملەكەت قويعان تالاپتارعا تولەگەن ارزان قۇن. دۋروۆتىڭ ويىنشا، يران مەن رەسەي قىسىمى ەكى ەل ەكونوميكاسىنا كەدەرگى كەلتىرەدى.