«ءيىرىم. انا ءقادىرى» تەلەحيكاياسى ادامزات ءۇشىن ەڭ ءقادىرلى جان – انا بەينەسى جايىندا بولماق دەپ حابارلايدى Qamshy.kz اقپارات اگەنتتىگى. تەلەحيكايادا جاس ۇرپاقتى مەيىرىمدى، قايىرىمدى ىستەرگە تاربيەلەۋ، ۇلكەندى قۇرمەتتەۋ، قازاق حالقىنا ءتان قۇت ۇيىعان وتباسىلىق ءداستۇردى ۇزبەۋ سياقتى ماڭىزدى تاقىرىپتار ورىن الادى.

باستى كەيىپكەر ازاماتتى اناسى ءناسىپ جالعىز ءوزى تاربيەلەيدى. بالاسى ءۇشىن كوپ قيىندىققا ءتوزىپ، جەتىلدىرىپ، ەر جەتكەن سوڭ قالاعا وقۋعا جىبەرەدى. ءبىراق، قالادا نە پاتەر، نە تابىس جوق ازامات قاتتى قينالادى. كۇن كورىس ءۇشىن تۇنگى كلۋبقا جۇمىسقا تۇرعانىمەن، ساباعى ناشارلاي بەرەدى. ءسويتىپ جۇرگەندە اۋقاتتى ادامنىڭ ەركە قىزى اينۇرمەن تانىسىپ، ءسوز بايلاسادى.  ەكەۋى باس قوسىپ، ازامات اۋىلداعى اناسىن قولىنا اكەلەدى. ونىڭ بۇل ارەكەتى اينۇرعا ۇنامايدى، سەبەبى ول ەنەسىمەن بىرگە تۇرعىسى كەلمەيدى. اقىرى ەنە-كەلىن اراسىنداعى قايشىلىق اسقىنىپ، ءناسىپ قارتتار ۇيىنەن ءبىراق شىعادى.

ازاماتتىڭ ويىندا نە بار؟ شەشەسىن سول كۇيىندە تاستاپ كەتە بەرمەك پە؟ 

رولدەردە: تىنىشكۇل سۇلتانبەردييەۆا، ەرالى سەيىتحان، نىشانبەك جۇبانايەۆ، ءۇسىپحان سەيتىمبەت جانە ت.ب

«ءيىرىم. انا ءقادىرى»  4 ءبولىمدى تەلەحيكاياسىن «QAZAQSTAN» ۇلتتىق تەلەارناسىنان 30 قىركۇيەك كۇنى ساعات 15:50-دە جانە 1ء-شى قازاندا 16:15-تە كورە الاسىزدار!