الماتىدا "الماتى تۋرى" بەسىنشى حالىقارالىق ۆەلوجارىسى باستالدى. ۆەلوجارىس بيىل ەكى كۇنگە سوزىلىپ، ەكى كەزەڭ بويىنشا وتەدى، - دەپ حابارلايدى Qamshy.kz اقپارات اگەنتتىگى.

وسىعان دەيىن حالىقارالىق جارىس "كرەتەريۋم" جۇيەسىندە ءوتىپ كەلدى. بۇل جۇيە بويىنشا قاتىسۋشىلار اينالما جول ارقىلى سىنعا تۇسەتىن. ال بيىل ۆەلوشاباندوزدار سورەدەن مارەگە دەيىنگى قاشىقتىقتى باسىپ وتەدى. جارىستىڭ ءبىرىنشى كەزەڭى 30 قىركۇيەك كۇنى استانا الاڭىنىڭ ماڭىندا، قازاق-بريتان تەحنيكالىق ۋنيۆەرسيتەتى اۋماعىنان باستاۋ الادى. "قالالىق اينالىم" تولە بي، فۋرمانوۆ، ساتبايەۆ، بايزاقوۆ كوشەلەرىن، اباي داڭعىلىن جانە جەلتوقسان كوشەسىن قامتيدى. مارە "الماتى ارەنا" اۋماعىندا بولادى.

جارىستىڭ ەكىنشى كەزەڭى 1 قازان كۇنى "حالىق ارەنا" ماڭىنان باستالىپ، ۆەلوشاباندوزدار "شىعىس اينالما جولى - ءال-فارابي" شەڭبەرىمەن جۇرەدى. ال فينالدىق بولىگى تۇڭعىش پرەزيدەنت ساياباعىنان "مەدەۋ" مۇز ايدىنىنا دەيىن جالعاسىپ، جەڭىمپازدار سوندا انىقتالادى.

الماتى تۋرى جارىسىن "QazSport" ارناسىنان تىكەلەي ەفيردە تاماشالاي الاسىزدار. سونداي-اق 1 ازان كۇنى "ەۆروسپورت" ارناسى دا جارىستىڭ ءبىرىنشى كۇنىندەگى ەڭ ۇزدىك ساتتەر مەن ەكىنشى كەزەڭدى كورسەتەتىن بولادى.

30 قىركۇيەك پەن 1 قازاندا "الماتى تۋرى-2017" ۆەلودوداسىن وتكىزۋگە بايلانىستى مەگاپوليستىڭ بىرنەشە كوشەسى جابىلاتىندىعى جايلى حابارلانعان بولاتىن. 

الماتىدا ورتالىق ازياداعى ەڭ ءىرى كاسىپقوي ۆەلوجارىستاردىڭ ءبىرى وتەدى، "الماتى تۋرى-2017" ۆەلوجارىسىناوعان قازاقستاننان، فرانسيادان، ءازىربايجاننان، يراننان، مالايزيادان، وزبەكستاننان، قىتايدان، لاتۆيادان، ۋكراينادان، جاپونيادان، يتاليادان، اقش-تان، شۆەيساريادان، گەرمانيادان جانە ۇلىبريتانيادان سپورتشىلار قاتىسادى. بارلىعى 20-دان اسا كوماندا. 

كوپتەن كۇتكەن حالىقارالىق كاسىبي تاسجولداعى ۆەلوجارىس «الماتى تۋرى» وسى كۇزدىڭ ەڭ باستى  وقيعالارىنىڭ ءبىرى بولماق. اتالمىش شارا وسى جىلى حالىقارالىق ۆەلوسيپەدشىلەر وداعى (UCI) رەگلامەنتىنە سايكەس، العاش رەت كوپكۇندىك تاسجولداعى ۆەلوجارىس اتاعىنا يە بولدى.

2013 جىلى باستاۋ العان «الماتى تۋرى» ۆەلوجارىسىن ۇيىمداستىرۋ دەڭگەيى جوعارلادى. بىركۇندىك «1.2» ساناتتى ۆەلوجارىس بولعاندىقتان، كاسىبي كوماندالار قاتىسا الماعان. الايدا، ەندى، UCI كەلىسىمىمەن «الماتى تۋرىنىڭ» 2014 جىلى «1.1» كاسىبي ۆەلوجارىس مارتەبەسىن يەلەنگەنى، قاتىسۋشىلار سانىن ءبىرشاما ارتتىردى. بىركۇندىك حالىقارالىق جارىستىڭ مارتەبەسىن كوتەرۋ وڭاي ەمەس، مۇنداي ۇدەرىس ءبىرشاما ۋاقىتتى قاجەت ەتەدى، ونى قاراستىرۋ بىرنەشە نەمەسە ونداعان جىلدار ۋاقىتتى الۋى مۇمكىن. ءبىز كوپكۇندىك تاسجولداعى ۆەلوجارىس مارتەبەسىن 4 جىلدان كەيىن يەلەندىك، ياعني حالىقارالىق ۆەلوسيپەدشىلەر وداعى (UCI) ءبىزدىڭ ۆەلوسپورتتاعى باعىتىمىزدى جوعارى باعالادى.

وسى جىلى مەرەيتويلىق بەسىنشى حالىقارالىق كاسىبي تاسجولداعى ۆەلوجارىس «الماتى تۋرى» ەكى كەزەڭ بويىنشا وتەدى – قىركۇيەكتىڭ 30-ى  جانە  قازاننىڭ 1ء-ى. قاتىسۋشىلار جالپى 331،7 كم قاشىقتىقتى باعىندىرىتىن بولادى. «الماتى تۋرىنىڭ» ءبىرىنشى كەزەڭى قبتۋ عيماراتىنىڭ ماڭىندا باستالادى. قاتىسۋشىلار تولە بي، فۋرمانوۆ، ساتپايەۆ، بايزاقوۆ، اباي جانە جەلتوقسان كوشەلەرىنەن «قالالىق اينالىم» ءوتىپ، «الماتى ارەنا» ماڭىندا مارەگە جەتەدى. ەكىنشى كەزەڭىندە  ۆەلوشاباندوزدار  «حالىق ارەنا» عيماراتىنىڭ ماڭىندا باستاپ، «ءۆواد-ال-فارابي»،  تۇڭعىش پرەزيدەنت ساياباعى بويىمەن ءوتىپ، «مەدەۋ» مۇز ايدىنىندا  قاتىسۋشىلار  ۆەلوبايگەنى اياقتادى.

بيىل ۆەلودوداعا 20 كوماندا تىركەلگەن،  وتكەن جىلمەن سالىستىرعاندا، 6 كومانداعا  ارتقان.  وسى جىلى دا ءداستۇر بويىنشا  «الماتى  تۋرىعا» قازاقستاندىق كاسىبي كوماندا «Astana Pro Team» قاتىسادى. ونىڭ قۇرامىنداعى «الماتى تۋرىنىڭ» ءۇش دۇركىن جەڭىمپازى الەكسەي لۋسەنكو دا ەل نامىسىن قورعايتىن بولادى. وسى بەدەلدى. جەرلەسىمىز  يسپانيادا جاقسى ناتيجەلەر كورسەتكەن سوڭ، كۇش جيناپ، ايتۋلى دوداعا شەت ەلدەردە دايىندىعىن جالعاستىرۋدا. 

«الماتى تۋرىن» ءۇش مارتە جەڭۋ مەن ءۇشىن ۇلكەن مارتەبە. بۇل قازاقستاندا، الماتىدا، ءوز جەرىمدە وتەتىن ۆەلوجارىس، سوندىقتان دا ماعان ارتار ءۇمىت، جاۋاپكەرشىلىك كوپ. سونداي-اق، مەن ءۇشىن بۇل  ۆەلوجارىس  ماۋسىم بويى وتەتىن  ەڭ سۇيىكتى جارىسىم بولىپ تابىلادى»، - دەيدى الەكسەي لۋسەنكو ءوز سۇحباتىندا.

ايتا كەتەر جايت، «الماتى تۋرى» قىركۇيەكتىڭ 28ء-ى  كۇنى ۆەلوسپورت جانكۇيەرلەرىنە جانە اۋەسقويلارىنا ارنالعان سپرينتەرلىك جارىس،  AstanaProTeam  ۆەلوشاباندوزدارىمەن اۆتوگراف-سەسسياسى جانە ءتۇرلى سايىستار بەيرەسمي باستالدى. ال  قىركۇيەكتىڭ 29-ى  كۇنى كوماندالاردى تانىستىرۋ ءراسىمى جانە ۆەلوجارىس قاتىسۋشىلارىنىڭ اشىق جاتتىعۋى ءوتتى.

«الماتى تۋرى-2017 »  سپورتشىلاردى  ەرەكشەلەندىرەتىن ەكى جاڭا بىردەي جەيدەدە ۇسىنادى – «تاۋلى» جەيدە جانە «ۇزدىك قازاقستاندىق ۆەلوشاباندوز» جەيدەسى.