قازاقستاندىق بوكسشى گەنناديي گولوۆكين گەرمانيانىڭ گيفحورن قالاسىندا نەمىس بوكسشىسى ەدۋارد گۋتكنەحتكە قولداۋ بىلدىرۋگە ارنالعان قايىرىمدىلىق كەشىنە قاتىستى دەپ حابارلايدى Qamshy.kz اقپارات اگەنتتىگى sports.kz-كە سىلتەمە جاساي وتىرىپ.
ەدۋارد گۋتكنەحت باس-مي جاراقاتىنىڭ اۋىر زاردابىن تارتىپ كەلەدى. بۇل تۋرالى Waz-online.de حابارلاۋدا. قايىرىمدىلىق كەشتە تۇسكەن 50 000 ەۋرونىڭ 25 مىڭىن گولوۆكين سىيلاعان. جينالعان قارجى ەدۋاردتىڭ وتباسىنا تاپسىرىلادى.
گۋتكنەحت بوكسشى دجوردج گروۋۆزبەن وتكەن 12 راۋندتىق جەكپە-جەكتە قاتتى سوققى العان بولاتىن. ايقاس اياقتالعان بويدا سپورتشى كيىنۋ بولمەسىنەن بىردەن اۋرۋحاناعا جەتكىزىلىپ، ونىڭ ميىنا وپەراسيا جاسالدى.
ەسكە سالايىق، ەدۋارد گۋتكنەحت اۋەسقوي بوكستا گەنناديي گولوۆكيندى جەڭگەن بولاتىن.
پىكىر قالدىرۋ