2 قازان كۇنى قازاقستان تەرريتورياسىنىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى كەي جەرلەردە جاۋىن-شاشىندى اۋا رايى ساقتالادى، ەلدىڭ تەك شىعىس جانە وڭتۇستىك شىعىسىندا جاۋىن-شاشىنسىز كۇن رايى كۇتىلەدى. كەي جەرلەردە جەل كۇشەيىپ، تۇمان بولادى،دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە جاساي وتىرىپ.

اتاپ ايتقاندا، اقمولا، قوستاناي، سولتۇستىك قازاقستان،  قاراعاندى، شىعىس قازاقستان وبلىستارىندا تۇندە جانە تاڭەرتەڭ كەي جەرلەردە تۇمان بولادى. اقمولا، قوستاناي، سولتۇستىك قازاقستاننىڭ كەي اۋماقتارىندا 15-20 م/س-قا دەيىن جەلدىڭ كۇشەيۋى كۇتىلەدى.

جامبىل، وڭتۇستىك قازاقستان،  قىزىلوردا، ماڭعىستاۋ، باتىس قازاقستان،  اقتوبە وبلىستارىنىڭ جەكەلەگەن جەرلەرىندە جەل 15-20 م/س ارتادى،  جامبىل وبلىسىندا ونىڭ ەكپىنى 25 م/س جەتەدى.  الماتى وبلىسىندا تۇندە جانە تاڭەرتەڭ كەي جەرلەردە تۇمان بولادى.

الماتى، قاراعاندى وبلىستارىندا 5 گرادۋسقا دەيىن ۇسىك ءجۇرۋى مۇمكىن. سونداي-اق قىزىلوردا وبلىسىندا، اقتوبە مەن اتىراۋ وبلىستارىنىڭ باسىم بولىگىندە، وڭتۇستىك قازاقستان، جامبىل، باتىس قازاقستان، قوستاناي، قاراعاندى وبلىستارىنىڭ كەي جەرلەرىندە جوعارى ءورت ءقاۋپى ساقتالادى.