فيزيولوگيا جانە مەديسينا سالاسىنداعى 2017 جىلعى نوبەل سىيلىعى لاۋرەاتتارىنىڭ ەسىمى بەلگىلى بولدى، دەپ جازادى Qamshy.kz اقپارات اگەنتتىگى ريا نوۆوستي مالىمەتىنە سۇيەنىپ.
ولار – دجەففري حولل، مايكل روزباش جانە مايكل يانگ. مارتەبەلى سىيلىق اعزانىڭ «جاسۋشالىق ساعاتىن» زەرتتەپ-زەردەلەگەنى ءۇشىن امەريكالىق عالىمدار توبىنا بۇيىرعان. ولاردىڭ اشقان جاڭالىعى ادامدار، جانۋارلار مەن وسىمدىكتەردىڭ تاۋلىكتىك سيكلدىڭ ءتۇرلى كەزەڭدەرىنە قالاي بەيىمدەلەتىنىن تۇسىندىرەدى.
ايتا كەتكەن ءجون، وسى اپتادا نوبەل اپتالىعى باستالدى. الداعى كۇندەرى فيزيكا، حيميا، ادەبيەت جانە بەيبىتشىلىك سالاسىنداعى سىيلىق يەگەرلەرىنىڭ ەسىمى جاريا ەتىلۋى ءتيىس. ال سالتاناتتى تابىستاۋ ءراسىمى 10 جەلتوقساندا وتەدى.
