بۇكىلالەمدىك بوكس كەڭەسى (WBC) پرەزيدەنتى ماۋريسيو سۋلەيمان WBC-نىڭ ۇيىم چەمپيونى گەنناديي گولوۆكين مەن مەكسيكالىق ساۋل "كانەلو" الۆارەستىڭ اراسىنداعى ريەۆانش تەز ارادا وتكىزىلۋى كەرەكتىگى تۋرالى شەشىم شىعارعانىن ايتتى. بۇل شەشىمدى WBC باسقارما كەڭەسى شىعارعان، - دەپ حابارلايدى Qamshy.kz اقپارات اگەنتتىگى Vesti.kz سايتىنا سىلتەمە جاساپ.
WBC پرەزيدەنتى ماۋريسيو سۋلەيمان مەن ۆيتاليي كليچكو وسى كۇندەرى باكۋدە ءوتىپ جاتقان 55ء-شى كەڭەس كونۆەنسياسىندا. © instagram.com/wbcboxing
وسىنىڭ الدىندا سۋلەيمان گەنناديي گولوۆكين مەن WBC بەلبەۋىنىڭ مىندەتتى قارسىلاسى امەريكالىق دجەرمالل چارلو اراسىنداعى كەزدەسۋدىڭ ماسەلەسى قاشان شەشىلەتىنىن ايتقان ەدى.
"گولوۆكين - "كانەلومەن" كەزدەسۋ وتكىزۋ ءۇشىن قيىن جولداردى باسىپ ءوتتى. ال الۆارەس بولسا بەدەلدى بوكسشى. ول ەكەۋى سوڭعى جىلدارداعى ەڭ ۇزدىك جەكپە-جەكتىڭ ءبىرىن وتكىزدى. كوپشىلىك بۇل ەكى بوكسشى اراسىنداعى ەكىنشى كەزدەسۋدى اسىعا كۇتىپ جۇرگەنى بەلگىلى. بوكسشىلار دا قايتا كەزدەسۋگە نيەتتى. ءبىز بۇل كەزدەسۋدىڭ وتۋىنە كەدەرگى كەلتىرمەيمىز. سارسەنبى كۇنى چارلو مەن گولوۆكيننىڭ كوماندالارىنىڭ ۇسىنىستارىن تىڭداپ، بارلىعىنا ىڭعايلى شەشىم قابىلدايمىز. "، - دەپ كەلتىرەدى سۋلەيماننىڭ ءسوزىن BoxingScene پورتالى.
