الماتى قالاسىنىڭ قالا قۇرىلىسى كەڭەسى ءۇش كوپ پاتەرلى تۇرعىن ءۇي كەشەنىنىڭ جانە بيزنەس ورتالىعىنىڭ قۇرىلىسىن ماقۇلدادى. وسى وبەكتىلەردى سالۋ 74،8 ملرد. تەڭگە كولەمىندە جەكە ينۆەستيسيالاردى تارتۋدى قامتاماسىز ەتەدى، يگەرىلمەگەن اۋماعى بويىنشا 9،9 گا، ونىڭ ىشىندە 4،9 - كوگالداندىرۋ. پايدالانۋعا 188 مىڭ مەترلىك تۇرعىن ءۇي بەرىلەدى، ونىڭ 2787ء-سى اۆتوتۇراق جانە ءتورت ورتا ءبىلىم بەرەتىن مەكتەپ، دەپ حابارلايدى Qamshy.kz اقپارات اگەنتتىگى.

بوستاندىق اۋدانىندا «سەيفۋللين» تۇرعىن ءۇي كەشەنىنىڭ قۇرىلىسى باستالادى، ول 12-دەن 21 قاباتقا دەيىنگى 13 بلوكتان جانە 120 ورىندىق بالاباقشادان تۇرادى. جوبادا جەراستى اۆتوتۇراق بار، لاندشافتىق اۋلالارمەن ۇسىنىلعان. قۇرىلىستىڭ جوسپارلانعان ۇزاقتىعى – 25 اي. كومپانيانىڭ ازىرلەۋشىسى الەۋمەتتىك جاۋاپكەرشىلىك اياسىندا 160 ورىنعا ارنالعان بالاباقشا سالۋدى جانە ونى كوممۋنالدىق مەنشىككە بەرۋدى مىندەتتەنەدى.

ساتپايەۆ پەن اباي داڭعىلدارىنىڭ اراسىندا تىلەندييەۆ كوشەسىنىڭ باتىسىنا قاراي سول ايماقتا 12 جانە 16 قاباتتان تۇراتىن 19 ۇيدەن تۇراتىن تۇرعىن ءۇي كەشەنى سالىنادى. كەشەن اۋماعى ءۇش ايماققا بولىنگەن، ونىڭ ىشىنە اۋلا، قوعامدىق كەڭىستىك جانە 200 ورىندىق قولجەتىمدى بالاباقشا كىرەدى. جوبانى ىسكە اسىرۋ مەرزىمى - 36 اي.

سونىمەن قاتار، بوستاندىق اۋدانىندا ءال-فارابي داڭعىلى مەن روزىباكييەۆا كوشەسىنىڭ قيىلىسىندا پارك-وفيس جوباسى ىسكە اسىرىلاتىن بولادى. ءال-فارابي داڭعىلىنان جوعارى بيىك وبەكتىلەردىڭ قۇرىلىسىنا تىيىم سالىنعان قالا قۇرىلىسى تالاپتارىنا سايكەس، عيماراتتىڭ بيىكتىگى جەر دەڭگەيىنەن 12 مەتردەن اسپايدى. جوبا ءۇش بلوكتىڭ اراسىندا ساياباق الاڭىمەن بايلانىسكان كۋرىلىستى كوزدەيدي. ساياباق ينفراقۇرىلىمى جازعى كافە الاڭى، ۆەلوسيپەد جولدارى، ءمولدىر قۇرىلىمداردىڭ كەلىسسوز پاۆيلوندارى جانە وفيستىك ورتاعا بىرىكتىرىلگەن تەرراسسالاردى قامتيدى.

اۋەزوۆ اۋدانىنداعى №3 شاعىن اۋداندا ءتورت 9 جانە 12 قاباتتى ۇيدەن تۇراتىن تۇرعىن ءۇي كەشەنى پايدا بولادى. كەشەندە 2 دەڭگەيلى جەراستى پاركينگ پەن 60 ادامعا ارنالعان بالاباقشا بار. قۇرىلىستىڭ ۇزاقتىعى - 20 اي.

جوبالاردى قاراۋ بارىسىندا قۇرىلىستى سالۋشىلاردىڭ نازارى كولىكتەر تۇراعىنىڭ سانىنا، ىشكى ارلەۋ جۇمىستارىنا ساپالى ماتەريالداردى پايدالانۋعا،تۇندە ۇيلەردىڭ سىرتىن جارىقتاندىرۋعا، كىشىموبيلدى توپتارعا جاعداي جاساۋعا، الاڭداردى جاسىلداندىرۋعا اۋدارىلدى.

ايتا كەتەر بولساق، 15 جىلدا «نۇرلى جەر» باعدارلاماسى بويىنشا 1،5 ميلليونعا جۋىق قولجەتىمدى تۇرعىن ءۇي سالۋ جوسپارلانعان. باعدارلامانىڭ نەگىزگى ماقساتى حالىققا تۇرعىن ءۇيدىڭ قولجەتىمدىلىگىن ودان ءارى ارتتىرۋدى قامتاماسىز ەتەتىن تۇرعىن ءۇي قۇرىلىسىن دامىتۋ ماسەلەلەرىن كەشەندى شەشۋ بولىپ تابىلادى.

باعدارلاما سونداي-اق جەكە ءۇي سالۋشىلاردى تۇرعىن ءۇي قۇرىلىسىنا ىنتالاندىرۋعا باعدارلانعان. ول ءۇشىن قولجەتىمدى كرەديتتىك رەسۋرستار ەنگىزۋ بولجانىپ وتىر – مەملەكەت ەكىنشى دەڭگەيلى بانكتەردىڭ جاڭا تۇرعىن ءۇي سالۋعا بەرەتىن نەسيەلەرى بويىنشا پايىزدىق مولشەرلەمەنىڭ ءبىر بولىگىن سۋبسيديالايدى. 2017 جىلعا ارنالعان رەسپۋبليكالىق بيۋدجەتتە 11 ملرد تەڭگە قاراستىرىلعان، ولار 157 ملرد تەڭگە سوماعا ءۇي سالۋشىلاردىڭ بانكتىك نەسيەلەرىن سۋبسيديالاۋعا مۇمكىندىك بەرەدى. ۇلتتىق ەكونوميكا مينيسترلىگىنىڭ باعالاۋىنشا، بۇل قوسىمشا شامامەن 600 مىڭ شارشى مەتر تۇرعىن ءۇي قۇرىلىسىن قارجىلاندىرۋعا مۇمكىندىك بەرەدى. ولاردىڭ جارتىسى تۇرعىنۇيقۇرىلىسجيناقبانكى سالىمشىلارىنا ۇسىنىلادى.

باعدارلامادا تۇرعىنۇيقۇرىلىسجيناقبانكى سالىمشىلارى مەن اكىمدىكتەردە كەزەكتە تۇرعاندار ءۇشىن «جاڭارتپالى» قاعيدا بويىنشا نەسيەلىك تۇرعىن ءۇي قۇرىلىسى كولەمىن ارتتىرۋ كوزدەلگەن.

بۇدان وزگە، مەملەكەتتىك باعدارلاما اياسىندا حالىقتىڭ الدەقايدا الەۋمەتتىك ءالسىز توپتارىنا ارنالعان ساتىپ الۋسىز جالدامالى تۇرعىن ءۇيدىڭ وڭىرلىك قورى قۇرىلادى.

«نۇرلى جەر» باعدارلاماسى ءار قازاقستاندىققا 10 سوتىق جەر ءبولۋ تۋرالى ماسەلەنى شەشەدى.