الماتى قالاسىنىڭ اكىمى باۋىرجان بايبەك جۇمىس ساپارىنىڭ اياسىندا قالالىق سۋارۋ جەلىسىنىڭ قۇرىلىسى مەن رەكونسترۋكسيالانۋ بارىسىن تەكسەردى، سونداي-اق تۇراقسىز كولبەۋ ۋچاسكىلەردى كۇشەيتۋ بويىنشا اعىمداعى جۇمىسپەن تانىستى. بۇل تۋرالى الماتى قالاسى اكىمدىگىنىڭ باسپا ءسوز قىزمەتى حابارلادى.

جۇمىس ساپارىنىڭ اياسىندا الماتى اكىمىنە الاتاۋ اۋدانىنىڭ العاباس شاعىن اۋدانىنداعى سۋارۋ جەلىسى مەن سۋ بۇرۋ جۇيەسىن سالۋ بويىنشا اتقارىلعان جۇمىستار تۋرالى اقپارات بەرىلدى.

بۇگىنگى تاڭدا اۋداندا شامامەن ۇزىندىعى 7 شاقىرىمعا دەيىن جەتەتىن ارىقتار جيەكتەرىنىڭ سالۋ جۇمىستارى اياقتالدى. «تەپلوەنەرگەتيكا» جانە «ەنەرگوسترويتەل» ساياجاي ماسسيۆتەرىنەن وتەتىن قارعالى وزەنىنىڭ بويىندا جوندەۋ جۇمىستارى وتۋدە. وزەن بويىنىڭ 1300 مەترى تەمىربەتونمەن كۇشەيتىلەدى. وزەن ارناسىن مەحانيكالىق تازالاۋ بويىنشا جۇمىستار اياقتالدى.

سونداي-اق الماتى قالاسىنىڭ اكىمى 4 شاقىرىمنان استام ۇزاقتىعى بار ناۋرىزباي اۋدانىنداعى نادىروۆ، تاجييەۆ، كۇلبەكوۆ جانە سلانوۆ كوشەلەرىنىڭ ارىقتىق جەلىلەرىن سالۋ جونىندەگى جۇمىس بارىسىمەن تانىستى.

جوعارىدا اتالعان كوشەلەردە ارىقتىق جەلىلەرى بۇرىن بولماعان. بۇگىنگى كۇنى جاڭا ارىقتىق جەلىلەرى مەن نوسەرلىك كانالداردىڭ جۇمىستارى اياقتالدى. جولداردى اسفالتتاۋعا دايىندىق جۇمىستارى جۇرگىزىلۋدە.

قالا اكىمىنە جۇمىس ساپارى شەڭبەرىندە بوستاندىق اۋدانىنىڭ باعاناشىل شاعىن اۋدانى جانە مەدەۋ اۋدانىنىڭ تاير كوشەسى بويىنشا، جەتىسۋ اۋدانىنىڭ «كىشى الماتينكا» وزەنى بويىنان ۆولوچايەۆسكايا كوشەسى بويىنشا بوكتەردى كۇشەيتۋ بويىنشا قۇرىلىس جۇمىستارىنىڭ بارىسى جايلى باياندادى. بۇل ۋچاسكەلەردە گابيوندى كونسترۋكسيالاردان جاسالعان قورعانىس قابىرعالارى ورناتىلىپ، جەر استى جۇمىستارى ءجۇرىپ جاتىر.

جەتىسۋ اۋدانىندا بوكتەردىڭ ۇزىندىعى 345 م قۇرايدى، بيىكتىگى 7 مەترگە دەيىن بارادى. قازىرگى ۋاقىتتا بارلىق جوندەۋ جۇمىستارى اياقتالدى. ورتاشا قىسىمداعى تەلىمدىك گاز قۇبىرلارىن تاسىمالداۋ جانە بولشەكتەۋ، جوعارى قىسىمداعى سۋ قۇبىرلارىن ۋاقىتشا ورىنعا مونتاجداۋ جانە بولشەكتەۋ جۇرگىزىلىپ، ەلەكت جەلىلەرىنىڭ تىرەۋى جارتىلاي تاسىمالداۋ جولدارفمەن تەxنولوگيالىق وتپەلەر قامتاماسىز ەتىلگەن.

مەدەۋ اۋدانىندا كولبەۋ ۋچاسكەسىنىڭ ۇزىندىعى 470 مەتردى قۇرايدى. قازىرگى تاڭدا ۋچاسكەدە مەتاللدى قورشاۋلاردى، بەتون بلوكتاردى، اعاشتان ىستەلگەن شارۋاشىلىق قورا-جايلاردى دەمونتاج جاساۋ جۇمىستارى وتكىزىلۋدە. اتالمىش ءىس-شارالار جوسپار بويىنشا وسى جىلدىڭ قاراشا ايىندا اياقتالماق. ۋچاسكەدە جۇرگىزىلەتىن جۇمىستار جەر استى سۋلاردىڭ پايدا بولۋىنان شيەلەنىسە تۇسەدى.

ءوز كەزەگىندە، بوستاندىق اۋدانى باعاناشىل ميكرواۋدانىنىندا جوبالاۋشىلار سەيسميكالىق جانە توپىراق قاسيەتتەرىن ەسكە الا وتىرىپ، تىرەۋ كابىرعاسىنىڭ ءتيپىن ازيرلەدى. وبەكتىنى جىلدىڭ اياعىنا دەيىن وتكىزۋ جوسپارلانۋدا.