اقمولا وبلىسىنىڭ بۋراباي دەمالىس ورنىنداعى تاۋلاردا اسپالى شىنى كوپىرى سالۋ جوسپارلانىپ وتىر، — دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.

«بۇل جوبا وبلىس اكىمى تاراپىنان قولداۋ تاۋىپ وتىر»، — دەپ ءتۇسىندىردى وبلىستىق تۋريزم باسقارماسىنىڭ «تۋريستىك اقپاراتتىق ورتالىعى» كمم باسشىسى جانات نۇعىمانوۆ. جوبا مەملەكەتتىك بيۋدجەت ەسەبىنەن ەمەس، جەكەمەنشىك ينۆەستيسيا تارتۋ ارقىلى جۇزەگە اسىرىلماق. ازىرگە جوبالىق-سمەتالىق قۇجاتتارى دايىندالعان جوق. الداعى ۋاقىتتا الەۋەتتى ينۆەستور تابىلىپ جاتسا، جوبانى جۇزەگە اسىرالادى.

تۋريزم باسقارماسىنىڭ دەرەگى بويىنشا، اسپالى شىنى كوپىر بۋرابايداعى بولەكتاۋ تاۋىنان تۋفەلكا شىڭىنا دەيىن ۇزىندىعى 230 مەتر قاشىقتىققا دەيىن سوزىلاتىن بولادى.

«وسىنداي ۇزىندىعى  500-600 مەتر اسپالى كوپىرلەر جۇڭگو جانە جاپون ەلدەرىندە بار. سوندىقتان، ونى سالۋدا ەشقانداي قيىندىق تۋماسى انىق. بۇل وڭىرگە قوسىمشا تۋريستەردى تارتۋعا سەپتىگىن تيگىزەتىنى ءسوزسىز»، — دەدى جانات نۇعىمانوۆ.