شقو-داعى شەمونايحتا جۇك كولىگى 10 جاستاعى قىزدى قاعىپ كەتتى، -دەپ حابارلايدى Qamshy.kz اقپارات اگەنتتىگى.
كىشكەنتاي قىز وتە قاتتى جاراقات العان. ونى قاعىپ كەتكەن گاز-53 اۆتوكولىگى ەكەندىگىن جەرگىلىكتى پوليسيا قىزمەتى مالىمدەدى. كولىك جۇرگىزۋشىسى تاپسىرىس بويىنشا كومىر تاسىپ جۇرگەن.
وقيعا 10 جاستاعى قىز ۇيالى تەلەفونمەن سويلەسىپ اينالاسىنا قاراماي جولدان ءوتىپ بارا جاتقان كەزىندە بولعان. قايعىلى جاعداي بولعان جەردە جاياۋ جۇرگىنشىلەرگە ارنالعان جولاق بولماعان. قازىرگى كەزدە قىز اۋرۋحانادا اۋىر حالدە جاتىر. ال اۆتوكولىك جۇرگىزۋشىسىنىڭ قانىندا الكوگول بولعانى انىقتالدى.
