قورداي اۋدانى، قاينار اۋىلىندا پوليسيا قىزمەتكەرلەرى توعىز كەلىدەن استام گەروين مەن "ۆالتەر" ماركالى گاز تاپانشاسىن تاركىلەدى، دەپ حابارلايدى Qamshy.kz اقپارات اگەنتتىگى جامبىل وبلىسى ءىىد باسپا ءسوز قىزمەتىنە سىلتەمە جاساپ.
ق ر قىلمىستىق كودەكسىنىڭ بۇرىنعى باسىلىمىنىڭ 259-بابى بويىنشا (ەسىرتكى زاتتارىن زاڭسىز ساقتاۋ، پسيحوتروپتى زاتتاردى دايىنداۋ، ساقتاۋ، تاسىمالداۋ) بىرنەشە رەت سوتتالعان 59 جاستاعى جالعىز باستى، جۇمىسسىز ەر ادام ۇستالعان كەزدە، ءوز ءىسىن مويىندادى. قازىرگى ۋاقىتتا قورداي ءاىىب ۋاقىتشا ۇستاۋ يزولياتورىنا قامالدى.
بۇل ءىس سوتقا دەيىنگى تەرگەۋدىڭ ءبىرىڭعاي رەەسترىندە ق ر قك 297-بابى بويىنشا تىركەلدى. سوتقا دەيىنگى تەرگەۋ امالدارى ءجۇرىپ جاتىر.
