ۇلتتىق قاۋىپسىزدىك كوميتەتىنىڭ (ۇقك) بۇرىنعى ءتوراعاسى، سوتتالعان نارتاي دۇتبايەۆتىڭ ايەلى حاليدا بيچۋرينا Facebook پەن YouTube-تە قازاقستان پرەزيدەنتى نۇرسۇلتان نازاربايەۆقا ۆيدەو ۇندەۋ جاريالادى. بيچۋرينا ۇندەۋىندە ۇقك كۇيەۋىن "كۇيەۋبالاسى مەن اعاسىنىڭ بالاسىن قۋدالاۋدان قۇتقارۋ ءۇشىن جاساماعان قىلمىسىن موينىنا الۋعا ماجبۇرلەگەنىن" ايتادى. "ۇقك ايتقان سوزىندە تۇرمادى. ولار دالەلدى قولدان جاساپ، ەش كىناسى جوق جاستاردى ارسىزدىقپەن سوتتادى. بۇدان سوڭ نارتاي بالالاردى قۇتقارۋ ءۇشىن عانا كىنانى موينىنا الاتىنى تۋرالى قىسىم ارقىلى بەرگەن جاۋاپتارىنان باس تارتتى" دەيدى حاليدا بيچۋرينا. بۇل تۋرالى Qamshy.kz اقپارات اگەنتتىگى ازاتتىق سايتىنا سىلتەمە جاساي وتىرىپ جازادى.

ول جيەنى مەن كۇيەۋبالاسىن سوتتاۋ "كۇتكەندەگىدەي ناتيجە" بەرمەگەندىكتەن، كەلەسى "ىقپال ەتۋ تەتىگى" رەتىندە بيىل 28 قىركۇيەكتە نارتاي دۇتبايەۆتىڭ ءىنىسى ۇستالعانىن ايتادى. 56 جاستاعى ءىنىسى رۇستەمبەك نۇرتايەۆتىڭ تۇتقىندالعانى تۋرالى نارتاي دۇتبايەۆتىڭ نۇرسۇلتان نازاربايەۆقا جازعان حاتىندا دا ايتىلادى. بيچۋرينا ول حاتتى Facebook-تەگى پاراقشاسىنا سالدى.

دۇتبايەۆ وندا پرەزيدەنتكە ەكىنشى قايتارا قايىرىلۋىنا ءوزى مەن ىنىسىنە قارسى قوزعالعان، "2000 جانە 2004 جىلدارى جاسالدى دەلىنگەن، ويدان قۇراستىرىلعان تاعى ءبىر قىلمىستىق ءىس" سەبەپ بولعانىن ايتادى. ۇقك-نىڭ بۇرىنعى باسشىسى تەرگەۋ ورگاندارى رۇستەمبەك نۇرتايەۆتى قىلمىستىق قۋدالاۋدان بوساتۋ ءۇشىن وزىنە العاشقى ءىس بويىنشا كىناسىن موينىنا الۋدى تالاپ ەتىپ وتىرعانىن مالىمدەيدى.

نارتاي دۇتبايەۆ پرەزيدەنت نازاربايەۆقا بۇعان دەيىن جازعان حاتى جەتپەگەنىنە سەنىمدى بولعاندىقتان تاعى دا حات جازۋعا ءماجبۇر بولىپ وتىرعانىن ايتادى جانە وزىنە قاتىستى ىسكە ارالاسۋىن سۇرايدى. اقمولا گارنيزونىنىڭ اسكەري سوتى 2017 جىلى 24 تامىزدا نارتاي دۇتبايەۆ پەن وزگە ءۇش ادامدى "مەملەكەتتىك قۇپيانى جاريالاۋ" جانە "قىزمەت بابىن اسىرا پايدالانۋ" ايىپتارى بويىنشا ۇزاق مەرزىمگە سوتتاعان. دۇتبايەۆتان وزگە ونىڭ ەكى تۋىسى - كۇيەۋبالاسى نۇرلان حاسەن مەن اعاسىنىڭ بالاسى ەرلان نۇرتايەۆ جانە رايس مۇراتوۆ سوتتالعان.

دۇتبايەۆتىڭ تۋىستارىنىڭ ازاتتىققا حابارلاۋىنشا، ۇكىمگە اپەللياسيالىق شاعىم بەرىلگەندىكتەن زاڭدى كۇشىنە ەنگەن جوق. نارتاي دۇتبايەۆ، بۇرىنعى شەنەۋنىكتەر نۇرلان حاسەن مەن ەرلان نۇرتايەۆ 2016 جىلى جەلتوقساندا ۇستالعان سوڭ ولارعا مەملەكەتتىك قۇپيانى جاريالادى جانە قىزمەت بابىن اسىرا پايدالاندى دەگەن ايىپتار تاعىلعان. "دۇتبايەۆ ىسىنە" قاتىستى تەرگەۋ مەن ءىس ماتەريالى قۇپيا جۇرگىزىلدى، سوت پروسەسى جابىق ءوتتى.

نارتاي دۇتبايەۆ ءىسىنىڭ قۇپيالارى

نارتاي دۇتبايەۆ ۇقك-نى 2001 جىلعى جەلتوقساننان 2006 جىلعى اقپاننىڭ 22-سىنە دەيىن باسقارعان. ول وپپوزيسيا جەتەكشىسى التىنبەك سارسەنبايۇلىن قاستاندىقپەن ولتىرۋگە ۇقك-نىڭ "ارىستان" ارنايى جاساعى قىزمەتكەرلەرىنىڭ قاتىسى بارى انىقتالعاننان كەيىن وتستاۆكاعا كەتكەن. دۇتبايەۆ وتستاۆكاعا كەتكەن سوڭ ۇقك اكادەمياسىنىڭ باسشىسى، پرەزيدەنت نۇرسۇلتان نازاربايەۆتىڭ كەڭەسشىسى بولدى، از ۋاقىت "قازاتومونەركاسىبى" ۇلتتىق كومپانياسىنىڭ ۆيسە-پرەزيدەنتى قىزمەتىن اتقاردى.

قازيس توعىزبايەۆ