نيگەردەگى مالي شەكاراسىنا جاقىن جەردە اقش-تىڭ ءۇش جاۋىنگەرى قازا تاۋىپ، ەكەۋى جارالاندى،-دەپ حابارلايدى Qamshy.kz اقپارات اگەنتىگى.

نيگەريالىق بىرنەشە جاۋىنگەر دە شابۋىلدا قازا تاپتى. امەريكا قۇراما شتاتتارىنىڭ افريكاداعى كومانديرى ساربازداردىڭ  «قاساقانا ءورت» استىندا قالعانىن جانە بۇل مالىمەتتەردى تولىق جەتكىزۋ ءۇشىن جۇمىس ىستەگەنىن ايتتى.

اقش اسكەرى نيگەر ارمياسىنا ايماقتاعى يسلامشىل جاۋىنگەرلەرمەن، سونىڭ ىشىندە «ال-كايدانىڭ» سولتۇستىك افريكا فيليالىمەن كۇرەسۋ ءۇشىن جاتتىعۋلار جاساپ جاتقان.

اقش پرەزيدەنتى دونالد ترامپقا ءمان جايدى ونىڭ باس شتابى قىزمەتكەرى دجون كەللي مالىمدەدى،- دەپ حابارلادى اق ءۇيدىڭ باسپا ءسوز حاتشىسى سارا ساندەرس.

نيۋ-يورك تايمس گازەتىنىڭ حابارلاۋىنشا، وقيعا نيگەر استاناسى نيامەيدىڭ سولتۇستىگىنەن شامامەن 193 شاقىرىم جەردە بولعان.

باياندامادا نيگەردە ورنالاسقان اقش-تىڭ قولباسشىلىعىناعى جاتتىعۋدا ساربازدار كۇتپەگەن ورتتەن قازا بولعانى ءبىرىنشى رەت ورىن الىپ وتىر.

جاراقات العان ەكى امەريكاندىقتىڭ دەنساۋلىعى ءبىر قالىپتى جانە گەرمانياعا ولار ەمدەلۋگە جىبەرىلەدى،-دەدى CNN ءتىلشىسى.