سولتۇستىك اينالما جولى كوشەسىندە، الماتىداعى باراحولكانىڭ تۇسىندا بىرنەشە جەردەن جاراقات العان ەر ادام تابىلدى، دەپ جازادى Qamshy.kz اقپارات اگەنتتىگى patrul.kz مالىمەتىنە سۇيەنىپ.
ەر ادام جولدىڭ جيەگىندە جاتقان. ونىڭ قولى مەن كەۋدەسىنەن اققان قانعا قاراپ، بىرنەشە جەردەن پىشاقتالعانى كورىنىپ تۇرعان. سوندىقتان كۋاگەرلەر جەدەل جاردەممەن قوسا پوليسيانى دا شاقىرعان.
وقيعا ورنىنا كەلگەن مەديسينا قىزمەتكەرلەرى بىردەن زارداپ شەككەن 46 جاستاعى ەر ادامدى جاقىن ماڭداعى اۋرۋحاناعا جەتكىزگەن. ال پوليسيا وكىلدەرى وقيعا ورنىن تەكسەرە باستادى.
وقيعانىڭ ۆيدەوسى Patrul.kz سايتىندا جاريالاندى.
