ۋركاينالىق جۋرناليست رومان بوچكالا الەمدەگى ەڭ جابىق مەملەكەتكە بارعان، دەپ جازادى Qamshy.kz اقپارات اگەنتتىگى. سولتۇستىك كورەياعا جاساعان ساپارى جايىندا رومان بوچكالا ءوزىنىڭ Facebook پاراقشاسىندا جازدى.

جۋرناليست وسى ۋاقىتقا دەيىن جولاۋشىلار قاراسى از  ۇشاق كورمەگەنىن ايتتى. ءوزىنىڭ بەيجىڭنەن پحەنيانعا ۇشقانىن ايتىپ وتكەن. ۇشاقتا نەبارى 7 جولاۋشى بولعان. جانە  ۇشاقتاعى ستيۋاردەسسالار ەشكىم سۋرەتكە تۇسىرمەۋىن قاداعالاپ وتىرعان.

«سولتۇستىك كورەياعا كحدر جانە وڭتۇستىك كورەيا جايلى ەشقانداي ادەبي كىتاپ الىپ وتۋگە بولمايدى. ال جۋرناليست بولساڭ، مىندەتتى تۇردە حابارلاۋىڭ كەرەك»، دەپ جازدى بوچكالا.

سولتۇستىك كورەيادا ۋكراينانى رەسەيدىڭ قۇرامىندا دەپ تانيدى ەكەن. جانە رەسەي مەن ۋكراينا كسرو قۇرامىندا دەپ ەسەپتەيدى.

سونىمەن قاتار، سولتۇستىك كورەيادا بار-جوعى 4 تەلەارنا جۇمىس ىستەيدى. ونىڭ تورتەۋى دە مەملەكەتكە تيەسىلى.

عالامتار جوق جانە شەتەلدىكتەرگە ارنالعان قوناقۇيدە الەۋمەتتىك كومپيۋتەردەن ەلەكترونى حات جىبەرۋگە بولمايدى. جەرگىلىكتى حالىق ەلەكتروندى حات جىبەرۋ ءۇشىن 2 كۇن بۇرىن ءوتىنىش قالدىرۋ كەرەك، دەپ جازدى بوچكالا.