بۇگىن 4 قازاندا، استانا قالاسىندا قازاقستاندىق «ۋاقىپ قورى» كورپوراتيۆتىك قايىرىمدىلىق قورىنىڭ تانىستىرىلىمى بولىپ ءوتتى دەپ حابارلايدى Qamshy.kz اقپارات اگەنتتىگى ق ر ءدىن ىستەرى جانە ازاماتتىق قوعام مينيسترلىگىنە سىلتەم جاساي وتىرىپ.
شاراعا ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ، قازاقستاننىڭ باس ءمۇفتيى، قازاقستان مۇسىلماندارى ءدىني باسقارماسىنىڭ ءتوراعاسى ەرجان مالعاجى ۇلى، مەملەكەتتىك ورگاندار مەن بيزنەس قاۋىمداستىقتاردىڭ وكىلدەرى قاتىستى.
شارا بارىسىندا ق ر ءدىن ىستەرى جانە ازاماتتىق ءمينيسترى، «ۋاقىپ» قايىرىمدىلىق قورى قامقورشىلار كەڭەسىنىڭ ءتوراعاسى نۇرلان ەرمەكبايەۆ ءسوز سويلەدى. ونىڭ ايتۋىنشا، قازاقستاندا يگىلىكتى، ساۋاپتى ىستەر جاساۋعا نيەتتى ادامداردىڭ قاتارى كوبەيىپ كەلەدى.
«ءدىن جولىندا «ساۋاپتى ءىس» جاساۋ ءۇشىن تەك قانا مەشىت سالۋ مىندەتتى ەمەس. قوعام ءۇشىن پايدالى بولىپ ەسەپتەلەتىن كەز-كەلگەن يگىلىكتى ءىستى جاساۋعا بولادى. ونىڭ ىشىندە مەكتەپتەر، اۋرۋحانالار، جول سالۋ، كوپىر سالۋ سەكىلدى قوعامعا پايدالى كەز كەلگەن ءىس ساۋاپقا جاتادى. قوردىڭ جۇمىسى اتالعان ماسەلەنى شەشۋگە باعىتتالعان. ول قايىرىمدىلىق جاساۋ جولىنداعى ىستەردى ءتيىمدى جۇيەگە سالۋعا ۇلەس قوسادى. ەڭ باستىسى – ءبارى اشىق جانە قوعام ءۇشىن پايدالى بولۋى ءتيىس»، - دەپ اتاپ ءوتتى نۇرلان ەرمەكبايەۆ.
قوردىڭ قاراجاتى ءدىني عيماراتتار مەن الەۋمەتتىك نىسانداردى سالۋعا، ءدىني قىزمەتكەرلەر مەن كەدەيلەرگە، جۇمىسسىزدار مەن مۇگەدەكتەرگە قولداۋ كورسەتۋگە ارنالعان جوبالاردى ىسكە اسىرۋعا باعىتتالعان.
ن. ەرمەكبايەۆتىڭ ايتۋىنشا، مۇنداي مەكەمەلەر قايىرىمدىلىق جاساۋ داستۇرلەرى قالىپتاسقان كوپتەگەن ەلدەردە كەڭ تارالعان. «ۆاكف» ينستيتۋتى مۇسىلمان ەلدەرىنىڭ حالىقتارى اراسىندا كەڭىنەن قولدانىلادى، سونداي-اق ارنايى قۇرىلعان «ۆاكف» مينيسترلىكتەرى دە جۇمىس ىستەيدى.
اتالعان جۇيە ءقازىردىڭ وزىندە تاياۋ شىعىستاعى يسلام ەلدەرىندە عانا ەمەس، سونىمەن قاتار زايىرلى مەملەكەتتەردە دە جۇزەگە اسىرىلۋدا. مىسالى، رەسەي فەدەراسياسىنىڭ كەيبىر وڭىرلەرىندە، قىرعىزستان مەن تۇركيادا بار.
ءىس-شارا سوڭىندا «ۋاقىپ» قورى مەن «ال ساكر فينانس» اق، «استانا بانكى» اق اراسىنداعى ىنتىماقتاستىق تۋرالى مەموراندۋمدار بەكىتىلدى، بۇدان بولەك، مەسەناتتار قايىرىمدىلىق كومەك كورسەتۋگە ۋاعدالاستى.
ەستەرىڭىزگە سالا كەتەيىك، «ۋاقىپ» قورى بۇل ءداستۇرلى جانە ادامگەرشىلىك قۇندىلىقتاردى قولداۋعا باعىتتالعان ءدىني راديكاليزم مەن ءفاناتيزمدى بولدىرماۋدى، الەۋمەتتىك جوبالاردى قارجىلاندىرۋدى، ءبىلىم بەرۋ جانە تاربيەلىك قىزمەتتى قارجىلاندىرۋعا، ءدىني قىزمەتكەرلەردىڭ جۇمىسىنىڭ تيىمدىلىگىن ارتتىرۋعا جانە ءدىني ينستيتۋتتاردىڭ قىزمەتىن قولداۋعا باعىتتالعان كوممەرسيالىق ەمەس قايىرىمدىلىق ۇيىم بولىپ تابىلادى.
