دوللاردىڭ ورتاشا باعامى بۇگىن 344،88 تەڭگەگە جەتتى،-دەپ حابارلايدى Qamshy.kz اقپارات اگەنتىگى.
بۇگىن قازاقستاندىق KASE قور بيرجاسىنىڭ تاڭعى سەسسيسىندا دوللار باعامى 344،88 تەڭگەنى قۇرادى. 4ء-شى قازاندا 343،21 تەڭگە بولعان دوللار 5ء-شى قازاندا بىردەن 1،67 تەڭگەگە وسكەن.
KASE قور بيرجاسىنىڭ مالىمەتىنشە، دوللاردىڭ ساۋدالاسقانداعى ەڭ تومەن قۇنى 343،90 تەڭگە بولسا، ماكسيمالدى باعاسى 345،37 تەڭگەنى قۇراپ وتىر. دوللار ساۋداسى 120 ملن. 850 مىڭ دوللاردى قۇرايدى. بۇل ۆاليۋتامەن جاسالعان وپەراسيالار سانى 230-عا جەتكەن. استانادا دوللاردىڭ مينيمالدى باعامى 347 تەڭگە بولسا، الماتىدا 346،5 تەڭگە بولىپ تۇر.
اقش دوللارىنىڭ رەسمي باعامى قازاقستاننىڭ قور بيرجاسىنىڭ ەكى سەسسياسىنان كەيىن عانا بەكىتىلەدى.
