سولتۇستىك كورەيادان جىلدا مىڭداعان ادام قاشادى. كوبىنە ولار قىتايدى پانالايدى. كحدر ازاماتتارى ءقاۋىپتى جولمەن شەكارانى كەسىپ وتەدى. ول ءۇشىن ءتۇرلى قيىندىقتى باستان وتكەرەتىنى ءسوزسىز. ولار ەلدەن كەتۋ ءۇشىن تاۋ مەن تاستى، وزەن مەن كولدەن دە وتۋگە ءازىر. سولاردىڭ ءبىرى ءحون سۋك.
ءحون سۋك 2013 جىلى كحدر-دان قاشىپ كەلدى. قىتايعا وزەن ارقىلى جەتكەن. ءحون سۋكتىڭ ايتۋىنشا، اعىستىق قاتتى بولعانى سونشالىق ول ءتىپتى جۇزەدە الماعان.
«مەن جاعاعا شىققاندا قايتا-قايتا تالىپ قالدىم. ۇستىمدە كيىم بولمادى. بارلىعىن اعىس جۇلىپ اكەتتى. مەن كحدر تۋرالى الەمگە ايتۋ ءۇشىن ەلدەن قاشىپ كەتتىم» دەيدى ءحون سۋك.
