الماتى اكىمى باۋىرجان بايبەك الماتىدا 500 تەڭگەگە تۇستەنۋگە بولاتىنىن ايتقان ەدى. Qamshy.kz اقپارات اگەنتتىگىنىڭ ءجۋرناليسى الماتى ءدامحانالارىنىڭ باعالارىن ءبىلىپ، قالادا 500 تەڭگەگە تاماقتانۋ قانشالىقتى مۇمكىن ەكەنىن تەكسەرىپ كوردى. ناتيجەسى تومەندەگىدەي.
- «قاعانات» اسحاناسى. مۇندا لاعمان 475 تەڭگە تۇرادى. ال جارتى پورسياسى – 375 تەڭگە. ۆارەنيكتىڭ جارتى پورسياسىن 215 تەڭگەگە ساتىپ الا الاسىز. ال سورپا باعاسى 345 تەڭگەدەن باستالادى. اتالمىش اسحانانى قالانىڭ كەز كەلگەن جەرىنەن كەزدەستىرۋگە بولادى.
- «تاعام» ءدامحاناسى. مۇندا مانتىنىڭ بىرەۋى 100 تەڭگە تۇرادى. 4 مانتى الىپ، قالعان 100 تەڭگەگە شاي ىشە الاسىز. 30 تەڭگەڭىز وزىڭىزدە قالادى. سورپانى 250 تەڭگەگە ىشە الاسىز. اتالمىش ءدامحانا قونايەۆ كوشەسىندە ورنالاسقان.
- «Basilic» ءدامحاناسى. شيەۆچەنكو كوشەسىندە ورنالاسقان. مۇندا سورپا 85 تەڭگەدەن باستالادى. تۇشپارا – 450 تەڭگە.
- «دوستار» كافەسى. مۇندا سۇيىق تاعامداردى 450 تەڭگەگە ساتىپ الاسىز. لاعمان – 550 تەڭگە تۇرادى.
- «ءۇرىمجى» اسحاناسى. مۇندا لاعماننىڭ تۇر-تۇرىنە تاپسىرىس بەرە الاسىز. ونىڭ ەڭ قىمباتى – 500 تەڭگە.
وسىدان شىعاتىن قورىتىندى – ەگەر قالتاڭىزدا 500 تەڭگەڭىز عانا بولسا اش قالمايسىز. الماتىدا اتالمىش سومماعا ءدامدى ءارى تويىمدى تاماق جەۋگە بولادى. تەك تۇستەنەتىن ورىندى دۇرىس تاڭداساڭىز بولعانى.
