اقتوبەدە 42 جاستاعى يرينا شميدت زورلىقشىلاردان قاشامىن دەپ 2-قاباتتان سەكىرگەن، سونىڭ سالدارىنان ومىرتقاسى سىنىپ، مۇگەدەك بولىپ قالدى.  بۇل تۋرالى "اكتوبە تايمس" جازادى.

2 بالاسىمەن (5 جانە 10 جاس) جۇمىسسىز قالعان ول دالادا قالعان.

21 شىلدەدە ايەل جۇمىستاعى كورپوراتيۆتەن قايتىپ بارا جاتقان يرا جولدى قىسقارتىپ كەسىپ وتپەك بولىپ، تەمىرجول جاقتاعى ۇيلەرمەن جۇرمەكشى بولادى. جولدا كەلە جاتىپ ەكى ماس، ىشىمدىك ءىشىپ وتىرعان ەرەكەكتى كورەدى. ولار يراعا بوعاۋىز ءسوز ايتىپ، ونى بالاعاتتاعان كورىنەدى. «ماعان ولاردىڭ سوزدەرى قاتتى ءتيىپ كەتتى دە، مەن ولارعا جاۋاپ بەردىم»-دەيدى ول. ەر ادامداردىڭ ءبىرى ورنىنان اتىپ تۇرىپ، وعان جۇگىرە جونەلگەن. باسىنان اۋىر زاتپەن ۇرىپ يرينانى ەسىنەن تاندىرعان.

«اۋزىمدى جاۋىپ، پاتەرلەرىنە الىپ باردى. ولار ماعان: ءبىز سەنى زورلايمىز دا، ولتىرەمىز. ەشكىم سەنى ىزدەمەيدى دە، مىنا پاتەردى جالعا الدىق»-دەدى. سول كەزدە ايەل قاتتى شوشىنىپ قالىپ، ەكەۋى بىر-بىرىمەن سويلەسىپ تۇرعان ءساتتى پايدالانىپ، تەرەزەدەن سەكىرىپ كەتكەن.

ەكىنشى قاباتتان قۇلاعان يرينا قاتتى زارداپ شەككەن. تەرەزەدەن ونى باسقا پاتەردەگى ادامدار كورىپ قالىپ، جەدەل جاردەم شاقىرعان. ايەلدىڭ بەل ومىرتقاسى سىنىپ، قولى مەن تاعى بىرنەشە جەرى جاراقاتتانعان.

قۇقىق قورعاۋ ورگاندارى قىلمىستىق ءىس قوزعاعان. ايىپتالۋشىلاردىڭ ءبىرى تەرگەۋ يزولياتورىندا، ال ەكىنشىسى قاشىپ كەتكەن.

يرينا بولسا، ۇي-كۇي جوق، جۇمىسسىز قالعان. ءقازىر ءوزىن تانىمايتىن قايىرىمدى اپانىڭ ۇيىندە تۇرىپ جاتىر. ونى مۇگەدەك بولىپ قالعان سوڭ، بالالارىن  سوت تارتىپ الا ما دەگەن قورقىنىش الاڭداتادى.