الماتى قالاسى تىلدەردى دامىتۋ باسقارماسى ەلباسىنىڭ «رۋحاني جاڭعىرۋ» باعدارلاماسى اياسىندا «اباي وقۋلارى» اتتى قالالىق بايقاۋ وتكىزدى. قازاق قاتىناس جولدارى ۋنيۆەرسيتەتىءنىڭ ءماجىلىس زالىندا وتكەن ونەر سايىسىندا كوركەمسوز وقۋ جانە ءان ايتۋ شەبەرلىگىن قاتار يگەرگەن 18–25 جاس ارالىعىنداعى قازاقستاننىڭ ءتۇرلى ەتنوس وكىلدەرى ءوزارا ب ا ق سىناستى. بايقاۋ قازاق ءتىلىنىڭ اياسىن كەڭەيتۋ، مەملەكەتتىك ءتىل ساياساتىن ناسيحاتتاۋ، اباي شىعارماشىلىعىن ناسيحاتتاۋ ارقىلى قوعامدىق كەلىسىم مەن قازاقستاندىق رۋحاني بىرلىكتى نىعايتۋ جانە وتانسۇيگىشتىك سەزىمدى تاربيەلەۋ، سونداي-اق، كوپشىلىكتىڭ قازاقتىڭ ۇلتتىق مادەنيەتى مەن ونەرىنە، ادەبيەتى مەن تىلىنە دەگەن ىقىلاسىن ارتتىرۋ، جاستار اراسىندا كىتاپ وقۋ مادەنيەتىن دامىتۋ ماقساتىن كوزدەدى.
ونەر سايىسى «ولەڭ ءسوزدىڭ پاتشاسى…»، «قازاقتا قاراسوزگە دەس بەرمەدىم…»، «قۇلاقتان كىرىپ، بويدى الار…» اتتى 3 كەزەڭ بويىنشا وتكىءزىلدى. بايقاۋدىڭ العاشقى كەزەڭىندە قاتىسۋشىلار ابايدىڭ ءبىلىم، عىلىم جانە ونەر تاقىرىپتارىنا ورىلگەن پوەزيالىق شىعارماسىن نەمەسە قارا ءسوزىن جاتقا مانەرلەپ وقىسا، ەكىنشى كەزەڭدە «اباي جولى» رومانىنان ءۇزىندىنى كوركەم شەبەرلىكپەن جاتقا ورىندادى. ال سايىستىڭ سوڭعى كەزەڭىندەگى قاتىسۋشىلاردىڭ ورىنداۋىنداعى ابايدىڭ ادەمى اندەرى كورەرمەن جانىن تەربەپ، جۇرەك قىلىن قوزعادى.
قالالىق بايقاۋدىڭ قازىلار القاسىنىڭ قۇرامىندا بولعان حالىقارالىق «اباي» قورىنىڭ ديرەكتورى جۇمابەك اشۋ ۇلى مەملەكەتتىك ءتىلدىڭ اياسىن كەڭەيتۋدە وزگە ۇلت وكىلدەرى اراسىندا اباي وقۋلارىن وتكىزۋدىڭ ماڭىزدىلىعىن اتاپ وتسە، قازىلار القاسىنىڭ تاعى ءبىر مۇشەسى م.اۋەزوۆ اتىنداعى ادەبيەت جانە ونەر ينستيتۋتىنىڭ ءبولىم مەڭگەرۋشىسى، فيلولوگيا عىلىمىنىڭ دوكتورى، پروفەسسور سەرىكقازى قوراباي «اباي وقۋلارى» قالالىق بايقاۋىنىڭ ءورىسى كەڭەيىپ كەلە جاتقانىن ايتتى.
– جىل سايىن «اباي وقۋلارى» قالالىق بايقاۋىنىڭ ءورىسى كەڭەيىپ، ساپاسى ارتىپ كەلەدى. قاتىسۋشىلار ءومىرى ونەگەگە اينالعان اباي مۇرالارىنىڭ ءمان-ماعىناسىن، تەرەڭ تاعىلىمىن جەتكىزە بىلەتىندىگىمەن كوزگە ءتۇستى. ونەر سايىسىندا ەلىمىزدە قازاق ءتىلىن ەمىن-ەركىن مەڭگەرگەن وزگە ۇلت وكىلدەءرىنىڭ كوبەيىپ كەلە جاتقانىنا كوز جەتكىزەمىز. جاس ۇرپاققا تاعىلىمدى تاربيە بەرۋدە بۇل ونەر سايىسىنىڭ ماڭىزى زور، – دەدى سەرىكقازى قوراباي.
ۇمىتكەرلەردىڭ ونەرىن باعالاۋ كەزىندە ولاردىڭ كوركەم ءماتىندى تاڭداۋ تالعامىنا جانە وقۋ شەبەرلىگىنە، قازاق ءتىلىنىڭ ورفوەپيالىق نورمالارىن ساقتاپ سويلەۋىنە، ءان ورىنداۋ ناقىشىنا، ساحنالىق ونەر كورسەتۋ مادەنيەتىنە جانە قازاقتىڭ ۇلتتىق كيىم ۇلگىسىنە نازار اۋدارىلدى.
ابايدىڭ تۇڭعيىق الەمىنە ءۇڭىلدىرگەن بايقاۋدا ءقازمقپۋ-دىڭ فيلولوگيا فاكۋلتەتىنىڭ ستۋدەنتى تۋرسۋنوي الييەۆا ءبىرىنشى ورىن يەگەرى اتاندى. حالىقارالىق قازاق-قىتاي ءتىلى كوللەدءجىنىڭ ستۋدەنتى ليۋبوميلا مويسەەنكو ەكىنشى ورىنعا قول جەتكىزسە، ءۇشىنشى ورىن قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ ستۋدەنتى تاحمينا توحتارجانوۆاعا بۇيىردى. سايىس سوڭىندا ءبىرىنشى، ەكىنشى، ءۇشىنشى جۇلدەلى ورىن يەگەرلەرى ءتيىستى دارەجەدەگى ديپلومدارمەن جانە باعالى سىيلىقتارمەن ماراپاتتالدى، قاتىسۋشىلارعا العىس حاتتار مەن ەستەلىك سىيلىقتار تاپسىرىلدى.
– كەمەڭگەر اباي ماڭگىلىك مۇرالارىمەن ادامزات بالاسىن دانالىق نارىمەن سۋسىنداتاتىن زاڭعار تۇلعا. ۇلت ۇستازىنىڭ باعا جەتپەس دانالىقتىڭ تەرەڭىنە ءۇڭىلدىرەتىن تاعىلىمدى تۋىندىلارى ادامنىڭ جۇرەگىن ماڭگى نۇرلاندىرىپ تۇرادى. ۇلى اباي ۋاقىتپەن بىرگە بيىكتەي بەرەتىن اسقاق تۇلعا، – دەدى حالىقارالىق قازاق-قىتاي ءتىلى كوللەدءجىنىڭ 2-كۋرس ستۋدەنتى ۆەرا كيم.
