وزبەكستاننىڭ تۋماسى سەيفۋللا سايپوۆ 31 قازاندا  نيۋ-يوركتىڭ مانحەتتان قالاسىنان ادامداردى جۇك ماشيناعا سالىپ، تەرروريزمدىك قاستاندىق جاساعان دەپ حابارلايدى Qamshy.kz اقپارات اگەنتتىگى ria.ru-عا سىلتەمە جاساي وتىرىپ.

تەرروريستىك شابۋىل كەزىندە سايپوۆ سەگىز ادامدى ولتىرگەن، ون ەكى ادام جاراقاتتاعان.

سايپوۆتىڭ ەكى باپ بويىنشا ءومىر بويى باس بوستاندىعىنان ايىرىلۋى نەمەسە ءولىم جازاسى كەسىلۋى مۇمكىن.

سايپوۆ  ءبىر جىل بۇرىن وسى قىلمىستىق ءىستى جوسپارلانعان. ءبىر اپتا بۇرىن ول كولىكتى جالعا الىپ، ونى باسقارۋدى ۇيرەنگەن.

«مەن بۇل ىسىمە ەش وكىنبەيمىن. ادامداردى ولتىرگەننەن كەيىن مەن جەڭىلدەپ قالدىم»،- دەدى قىلمىسكەر سايپوۆ.

ەسكە سالا كەتەيىك، وزبەكستاننىڭ جەرگىلىكتى تۇرعىنى باسقارعان جۇك كولىگى مانحەتتەننىڭ وڭتۇستىك-باتىس بولىگىندە ۆەلوسيپەد جولىنا شىعىپ، جولدا ۆەلوسيپەدشىلەردى قاققان. كەيىن مەكتەپ اۆتوبۋسىنا سوعىسقان. كۇدىكتى قاماۋعا الىنىپ، اۋرۋحاناعا جاتقىزىلعان بولاتىن.